തിരുവനന്തപുരം: ശ്രീപദ്മനാഭസ്വാമി ക്ഷേത്രത്തിലെ നിലവറകളിലെ സ്വത്തുക്കളെക്കുറിച്ച് ഭക്തന്മാര്ക്കറിയാന് താത്ര്യമുണ്ടെന്നും ആരും അത് നിഷേധിക്കരുതെന്നും ബിജെപി ദേശീയ നിര്വാഹക സമിതി അംഗം വി. മുരളീധരന് ആവശ്യപ്പെട്ടു. അതേസമയം, ക്ഷേത്രത്തിലെ ആചാരാനുഷ്ഠാനങ്ങള് ലംഘിക്കുന്നതിന് ബിജെപി എതിരാണ്.
ആചാരാനുഷ്ഠാനങ്ങളോടൊപ്പം ക്ഷേത്ര സ്വത്തുക്കളും സംരക്ഷിക്കപ്പെടണം. ക്ഷേത്രത്തിലെ അമൂല്യവസ്തുക്കള് നിലനിര്ത്തണമെങ്കില് അവ എത്രയുണ്ടെന്ന് കൃത്യമായി അറിയുകയും രേഖപ്പെടുത്തുകയും പരിപാലിക്കുകയും വേണം. അതിനുള്ള സംവിധാനമാണ് ഒരുക്കേണ്ടത്. ഇക്കാര്യത്തില് രാജകുടുംബവും സഹകരിക്കുകയാണ് വേണ്ടതെന്ന് വി. മുരളീധരന് പ്രസ്താവനയില് പറഞ്ഞു.
