തിരുവനന്തപുരം: സംസ്ഥാന ശിശുക്ഷേമ സമിതി ഏര്പ്പെടുത്തിയിട്ടുള്ള 2016-ലെ മാധ്യമ പ്രവര്ത്തകര്ക്കും കുട്ടികള് സ്വന്തമായി എഴുതി പ്രസിദ്ധീകരിച്ച സാഹിത്യ രചനകള്ക്കുമായുള്ള അവാര്ഡുകള്ക്ക് എന്ട്രികള് ക്ഷണിച്ചു.
കുട്ടികളെ സംബന്ധിച്ചുള്ള ഏറ്റവും നല്ല പത്രവാര്ത്തയ്ക്കുള്ള എന്. നരേന്ദ്രന് സ്മാരക അവാര്ഡ് ഏറ്റവും നല്ല വാര്ത്താചിത്രത്തിനുള്ള വിക്ടര് ജോര്ജ്ജ് സമാരക അവാര്ഡ് ഏറ്റവും നല്ല ടി.വി പരിപാടിയ്ക്കായി സമിതി ഈ വര്ഷം മുതല് ഏര്പ്പെടുത്തിയ ടി.എന്. ഗോപകുമാര് സമാരക അവാര്ഡ് എന്നിവയ്ക്കാണ് എന്ട്രികള് ക്ഷണിച്ചത്. 2016 ജനുവരി 1-നും ഡിസംബര് 31-നുമിടയില് പത്രങ്ങളില് പ്രസിദ്ധീകരിച്ചു വന്ന വാര്ത്ത/ വാര്ത്തചിത്രം പ്രക്ഷേപണം ചെയ്ത ടിവി പരിപാടി എന്നിവയ്ക്കാണ് അവാര്ഡ്.
കുട്ടികളുടെ സാഹിത്യ രചനകള്ക്കുള്ള ഒ.എന്.വി കുറുപ്പ് സ്മാരക അവാര്ഡിനും ഇംഗ്ലീഷ് സാഹിത്യ രചനകള്ക്കായുള്ള കമലസുരയ്യ സ്മാരക അവാര്ഡിനും എന്ട്രികള് ക്ഷണിക്കുന്നു. 5 വയസ്സിനും 16നുമിടയ്ക്കുള്ള കുട്ടികളുടെ സാഹിത്യ രചനകള്ക്കാണ് അവാര്ഡ്. 2016 ജനുവരി 1നും 31 നുമിടയില് പ്രസിദ്ധീകരിച്ച പുസ്തകങ്ങളാണ് അവാര്ഡിനായി പരിഗണിക്കുക. രചയിതാവിന് 2016 ഡിസംബര് 31 ന് 16 വയസ്സ് കഴിയാന് പാടുള്ളതല്ല.
മൂന്ന് കോപ്പിയും സ്കൂള് മേധാവിയുടെ സാക്ഷ്യപത്രവും മൂന്ന് പാസ്പോര്ട്ട് സൈസ് ഫോട്ടോയും സഹിതമാണ് എന്ട്രികള് അയയ്ക്കേണ്ടത്.എന്ട്രികള് ജനറല് സെക്രട്ടറി, കേരള സംസ്ഥാന ശിശുക്ഷേമ സമിതി, തൈക്കാട്, തിരുവനന്തപുരം-14 എന്ന വിലാസത്തില് ജൂലൈ 20-നു മുന്പായി നേരിട്ടോ തപാല് മുഖേനയോ എത്തിക്കണം.
