നെയ്യാറ്റിന്കര: നെയ്യാറ്റിന്കര പോലീസ് ബിജെപി പ്രവര്ത്തകരെ കള്ളക്കേസുകളില് കുടുക്കുന്നതില് പ്രതിഷേധിച്ച് മാര്ച്ച് നടത്തി. പോലീസ് നടപടകളില് പ്രതിഷേധിക്കാന് കഴിഞ്ഞ ദിവസം രാത്രിയില് പോസ്റ്റര് പതിപ്പിക്കുന്നതില് ഏര്പ്പെട്ടിരുന്ന പ്രവര്ത്തകര്ക്ക് നേരെയും പോലീസ് അക്രമം അഴിച്ചുവിട്ടു. നെയ്യാറ്റിന്കര സിഐ, ഡിവൈഎസ്പിക്കുമെതിരെ പോസ്റ്റര് പതിച്ച് കൊണ്ടിരിക്കെ എഎസ്ഐയുടെ നേതൃത്വത്തിലെത്തിയ പോലീസ് സംഘം പോസ്റ്റര് പിടിച്ച് വാങ്ങിയ ശേഷം മര്ദ്ദിച്ചു. ഒട്ടിച്ച പോസ്റ്റര് വലിച്ച് കീറുകയും ചെയ്തു. ഇതറിഞ്ഞ് എത്തിയ ബിജെപി മണ്ഡലം വൈസ് പ്രസിഡന്റ് മഞ്ചത്തല സുരേഷിനെയും മര്ദ്ദിക്കാന് ശ്രമിച്ചു മര്ദ്ദനത്തില് പരിക്കേറ്റ ബിജെപി പ്രവര്ത്തകര് നെയ്യാറ്റിന്കര ജില്ലാ ആശുപത്രിയില് ചികിത്സ തേടി. റൂറല് എസ്പി തുടങ്ങിയ ഉന്നത പോലീസ് മേധാവികള്ക്ക് പരാതി നല്കി. പോലീസ് തേര്വാഴ്ചയില് പ്രതിഷേധിച്ച് ബിജെപി, സംഘപരിവാര് പ്രവര്ത്തകര് നെയ്യാറ്റിന്കര ഠൗണില് പ്രതിഷേധ പ്രകടനം നടത്തി. ബിജെപി സംസ്ഥാന സമിതിയംഗം എന്.പി ഹരി പ്രകടനം ഉദ്ഘാടനം ചെയ്തു. ടൗണ് ഏര്യ പ്രസിഡന്റ് ഹരികുമാര് അധ്യക്ഷത വഹിച്ചു. മഞ്ചത്തല സുരേഷ്, നടരാജന് ,കുട്ടപ്പന മഹേഷ്, രാമേശ്വരം ഹരി, ആലംപെറ്റ ശ്രീകുമാര് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: