കണ്ണൂര്: കെഎംസി, കെസി പ്രശ്നം ശാസ്ത്രീയമായി പരിഹരിക്കണമെന്നാവശ്യപ്പെട്ട് കണ്ണൂര് കലക്ടറേറ്റിനുമുന്നില് സംയുക്ത ഓട്ടോറിക്ഷാ തൊഴിലാളി യൂണിയന് നടത്തുന്ന അനിശ്ചിതകാല സത്യാഗ്രഹ സമരം ഒത്തുതീര്പ്പാക്കാന് അടിയന്തിര നടപടി സ്വീകരിക്കണമന്ന് ബിജെപി ജില്ലാ പ്രസിഡണ്ട് പി.സത്യപ്രകാശ് ആവശ്യപ്പെട്ടു.
സമരം തീര്ക്കാന് അധികാരികള് തയ്യാറാകുന്നില്ലെങ്കില് ബിജെപി സമരം ഏറ്റെടുക്കുമെന്നും അദ്ദേഹം പറഞ്ഞു. സിഐടിയു സമരത്തില് നിന്നും വിട്ടനില്ക്കുന്നതുകൊണ്ടാണ് മേയറും കലക്ടറും ആര്ടിഒയും അടക്കമുള്ള ജില്ലാ ഭരണാധികരികള് സമരം ഒത്തുതീര്പ്പാക്കാന് താല്പര്യമില്ലാത്തതെന്ന് സംശയിക്കേണ്ടിയിരിക്കുന്നു. 30 ദിവസമായി നടക്കുന്ന സത്യാഗഹ്ര സമരത്തിന്റെ മുപ്പതാം ദിവസത്തെ സമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ജൂണ് 30നകം പ്രശ്നം ചര്ച്ച് ചെയ്ത് പരിഹരിക്കാമെന്ന മേയറുടെ ഉറപ്പ് കുറുപ്പിന്റെ ഉറപ്പുപോലെയായെന്നും വാക്കുപാലിക്കാത്ത മേയര് തൊഴിലാളികളെ വഞ്ചിക്കുകയാണെന്നും അദ്ദേഹം പറഞ്ഞു. ചടങ്ങില് എം.ലക്ഷ്മണന് അധ്യക്ഷതവഹിച്ചു. കുന്നത്ത് രാജീവന്, ആര്.കെ.ഗിരിധരന് തുടങ്ങിയവര് സംസാരിച്ചു.
