പാനൂര്: പനിമരണം പ്രതിരോധിക്കുന്നതില് സര്ക്കാര് പരാജയപ്പെട്ടതിനാല് ആരോഗ്യമന്ത്രി കെ.കെ.ശൈലജ രാജിവെയ്ക്കണമെന്നാവശ്യപ്പെട്ട് മഹിളാമോര്ച്ച കൂത്തുപറമ്പ് മണ്ഡലം കമ്മറ്റി പാനൂര് ബസ്റ്റാന്ഡില് സായാഹ്ന ധര്ണ്ണ സംഘടിപ്പിച്ചു. മഹിളാമോര്ച്ച സംസ്ഥാന സെക്രട്ടറി സി.പി.സംഗീത ഉദ്ഘാടനം ചെയ്തു. പനിമരണം പടരുമ്പോള് സര്ക്കാര് കാണിക്കുന്ന ഉദാസീനത ജനങ്ങളോടുളള വെല്ലുവിളിയാണ്. ഒരു മുന്നൊരുക്കവും നടത്താതെ എല്ലാം ശരിയാകുമെന്ന്് പറഞ്ഞ സര്ക്കാര് ജനങ്ങളെ പനിയിലേക്ക് തളളിവിടുകയായിരുന്നു. മണ്ഡലത്തെ പ്രതിനിധീകരിക്കുന്ന ആരോഗ്യമന്ത്രി പൂര്ണ്ണ പരാജയമാണെന്നും, തല്സ്ഥാനം രാജിവെക്കണമെന്നും സിപി.സംഗീത ആവശ്യപ്പെട്ടു. മണ്ഡലം പ്രസിഡണ്ട് എ.പി.വസന്ത അധ്യക്ഷത വഹിച്ചു. സമാപന പരിപാടി ബിജെപി ജില്ലാജനറല് സെക്രട്ടറി വിപി.സുരേന്ദ്രന് മാസ്റ്റര് ഉദ്ഘാടനം ചെയ്തു. മഹിളാമോര്ച്ച ജില്ലാപ്രസിഡണ്ട് എന്.രതി, കെപി.സഞ്ജീവ്കുമാര്, കെ.കെ.ധനഞ്ജയന്, രാജേഷ് കൊച്ചിയങ്ങാടി, കെ.കാര്ത്തിക, ലസിത പാലക്കല്, ടി.പ്രേമി തുടങ്ങിയവര് പ്രസംഗിച്ചു.
മഹിളാമോര്ച്ച സായാഹ്ന ധര്ണ്ണ സംഘടിപ്പിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.