കണ്ണൂര്: മണിപ്പാല് യൂണിവേഴ്സിറ്റി ആരംഭിച്ച മണിപ്പാല് ആരോഗ്യകാര്ഡ് പദ്ധതിക്ക് ആരോഗ്യകാര്ഡ് കൈവശമുള്ളവര്ക്ക് യൂണിവേഴ്സിറ്റിയുടെ കീഴിലുള്ള വിവിധ ആശുപത്രികളില് നിന്ന് ഇന്പേഷ്യന്റ്, ഔട്ട് പേഷ്യന്റ് ചികിത്സയില് ഡിസ്കൗണ്ടുകള് ലഭിക്കുമെന്ന് മംഗളൂരൂ കെഎംസി ആശുപത്രി മാനേജര് എഡ്വിന് ഡിക്രൂസ് വാര്ത്താസമ്മേളനത്തില് പറഞ്ഞു.
ചെറിയതുക നല്കി മെമ്പര്ഷിപ്പ് നേടുന്ന ആര്ക്കും രണ്ടോ മൂന്നോ പ്രവാശ്യം കാര്ഡ് ഉപയോഗിക്കുമ്പോള് തന്നെ നിരക്കിളവിലൂടെ ഈ തുക തിരികെ ലഭിക്കും. ജുലൈ 30 വരെയാണ് മെമ്പര്ഷിപ്പെടുക്കാന് അവസരം. മെമ്പര്ഷിപ്പിലൂടെ കാര്ഡ് നേടുന്നവര്ക്ക് മംഗളൂരു അല്ലാത്തവര് കെഎംസി ആശുപത്രിയില് സൗജന്യ കണ്സള്ട്ടേഷന്, ജനറല് വാര്ഡിലെ ഐ പി അഡ്മിഷന്, ഒപി വിഭാഗത്തിലെ ലാബ് പരിശോധനക്കും റേഡിയോളജി പരിശോധനക്കും 25 ശതമാനം ഡിസ്ക്കൗണ്ട് എന്നിവ ലഭിക്കും. മംഗളൂരു അംബേദ്ക്കര് സര്ക്കിളിലെ കെഎംസി ആശുപത്രിയില് കണ്സള്ട്ടേഷന് ഫീസില് അമ്പത് ശതമാനം ഡിസ്കൗണ്ട്, ജനറല് വാര്ഡിലെ ഐപി അഡ്മിഷന്, ഒപിവിഭാഗത്തില് ലാബ് പരിശോധനക്ക് 25 ശതമാനവും റേഡിയോളജി പരിശോധനക്ക് 20 ശതമാനം ഡിസ്കൗണ്ടും ഡയലാസിസിന് അമ്പത് രൂപ ഡിസ്കൗണ്ടും ലഭിക്കും. എല്ലായിടത്തും മരുന്നുകള്ക്ക് പത്ത് ശതമാനം വരെ ഡിസ്കൗണ്ട് ലഭിക്കും. ആരോഗ്യകാര്ഡിന് ഒരാള്ക്ക് 250 രൂപയും. കാര്ഡ് ഉടമയും ഭാര്യ/ഭര്ത്താവ്, 25ന് താഴെയുള്ള കുട്ടികള് എന്നിവയുള്പ്പെട്ട കുടുംബത്തിന് 520 രൂപയും നല്കിയാല് മതി. കുടുംബകാര്ഡ് പദ്ധതി പ്രകാരം നൂറ് രൂപ നിരക്കില് അധികം അടച്ച് ഫാമിലി കാര്ഡ് ഉടമക്ക് മാതാപിതാക്കളെയും ഫാമിലി പദ്ധതിയിലുള്പ്പെടുത്താം. നിലവിലെ കാര്ഡ് പുതുക്കുന്നവര്ക്ക് പത്ത് ശതമാനം ഇളവ് ലഭിക്കും. അപേക്ഷാഫോറങ്ങള് കെഎംസി ഇന്ഫര്മേഷന് സെന്ററുകള്, അംഗീകൃത ഏജന്സികള് എന്നിവിടങ്ങളില് ലഭ്യമാണ്. ഇന്ഫര്മേഷന് സെന്ററുകള്: കണ്ണൂര്-0497 2702424, ഇരിട്ടി-9497636111, പഴയങ്ങാടി-9446005333, പയ്യന്നൂര്-09447439185.
