തിരുവനന്തപുരം: കേരള വ്യാപാരി വ്യവസായി ഏകോപന സമിതി ജില്ലാ ഭാരവാഹികളെ തെരഞ്ഞടുത്തു. ജില്ലാ പ്രസിഡന്റ് സ്ഥാനത്തേക്ക് പെരിങ്ങമ്മല രാമചന്ദ്രനെ ഐകകണ്ഠേന യോഗം തെരഞ്ഞടുത്തു. സെക്രട്ടറിയായി വൈ. വിജയനെയും, ധനീഷ് ചന്ദ്രനെ ട്രഷററായും തെരഞ്ഞടുത്ത കമ്മിറ്റിയിലേക്ക് മുന് ഭരണസമിതിയിലെ ഭാരവാഹികളെയും ഉള്പ്പെടുത്തിയിട്ടുണ്ട്. സംസ്ഥാന സെക്രട്ടറി ദേവരാജന് വരണാധികാരിയായി. 2015-17 വര്ഷത്തെ വരവു ചെലവ് റിപ്പോര്ട്ട് മുന് ട്രഷറര് കൂടിയായിരുന്ന ധനീഷ് ചന്ദ്രന് അവതരിപ്പിച്ചു. ചടങ്ങില് അംഗങ്ങളെ ചേര്ത്ത വിവിധ യൂണിറ്റുകളെ സംസ്ഥാന പ്രസിഡന്റ് ടി. നസറുദീന് ഉപഹാരങ്ങള് നല്കി ആദരിച്ചു. സംസ്ഥാന പ്രസിഡന്റ് ടി. നസറുദീനോടൊപ്പം വ്യാപാരി വ്യവസായി ഏകോപന സമിതി സംസ്ഥാന -ജില്ലാ ഭാരവാഹികളും യൂണിറ്റ് പ്രതിനിധികളും പങ്കെടുത്തു. ഡിജിപി സ്ഥാനത്ത് നിന്ന് വിരമിക്കുന്ന ടി.പി.സെന്കുമാറിനെ ജില്ലാ സമ്മേളനത്തില് ആദരിച്ചു. ജില്ലാ കമ്മറ്റിയുടെ ഉപഹാരം സംസ്ഥാന പ്രസിഡന്റ് ടി.നസറുദ്ദീന് സെന്കുമാറിന് നല്കി. തുടര്ന്ന് 205 യൂണിറ്റ് പ്രതിനിധികളും അദ്ദേഹത്തെ ആദരിച്ചു. ക്യാമറകള് സ്ഥാപിച്ച യൂണിറ്റുകള്ക്കുള്ള ഉപഹാരവും ഡിജിപി വിതരണം ചെയ്തു.
