ധാക്ക: ബംഗ്ലാദേശില് പ്രാദേശിക ക്രിക്കറ്റ് മത്സരത്തിനിടെ പതിനാലുകാരന് കൊല്ലപ്പെട്ടു. ഔട്ടായതിന്റെ ദേഷ്യത്തില് ബാറ്റ്സ്മാന് ഊരിയെറിഞ്ഞ സ്റ്റമ്പ് കഴുത്തിലും തലയിലും കൊണ്ടാണ് ഫൈസല് ഹുസൈന് എന്ന 14കാരന് മരിച്ചത്. ചിറ്റഗോങില് നടന്ന സൗഹൃദ മത്സരത്തിനിടെയാണ് സംഭവം.
ക്ലീന് ബൗള്ഡായ ബാറ്റ്സ്മാന് അതിന്റെ ദേഷ്യത്തില് ഊരിയെടുത്ത് വായുവിലേക്ക് എറിഞ്ഞ സ്റ്റമ്പ് വിക്കറ്റിന് അടുത്ത് ഫീല്ഡ് ചെയ്യുകയായിരുന്ന ഫൈസലിന്റെ കഴുത്തിലും തലയിലും ചെന്ന് പതിക്കുകയായിരുന്നുവെന്ന്, അസിസ്റ്റന്റ് പോലീസ് കമ്മീഷ്ണര് ജഹാംഗീര് ആലം വ്യക്തമാക്കി. വേദന കൊണ്ട് ഗ്രൗണ്ടില് വീണ ഫൈസലിനെ ഉടനെത്തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
