ചാലക്കുടി: കലാഭവന് മണിയുടെ മരണത്തെ സംബന്ധിച്ച പോലീസ് അന്വേഷണം തൃപ്തികരമല്ലെന്നും നിയമ നടപടികള് സ്വീകരിക്കുമെന്നും മണിയുടെ സഹോദരന് ആര്എല്വി രാമകൃഷ്ണന് പറയുന്നു. മരണത്തെ സംബന്ധിച്ച തെളിവിന്റെ അഭാവത്തില് കേസിന്റെ അന്വേഷണം അവസാനിപ്പിക്കുകയാണെന്ന പോലീസിന്റെ അഭിപ്രായത്തോട് പ്രതികരിക്കുകയായിരുന്നു രാമകൃഷ്ണന്.
പോസ്റ്റ്മോര്ട്ടം റിപ്പോര്ട്ടിലെ സുചനകളുടെ അടിസ്ഥാനത്തിലാണ് നിയമനടപടികള് സ്വീകരിക്കുന്നത്. മണിയുടെ ശരീരത്തില് രണ്ട് തരത്തിലുള്ള വിഷാംശം ഉണ്ടെന്ന് കണ്ടെത്തിയിരുന്നു. എന്നാല് ഇത് ശരീരത്തില് എത്തിയത് എങ്ങിനെയെന്ന് കണ്ടെത്തുവാന് കേസ് അന്വേഷിച്ച പോലീസ് ഉദ്യോഗസ്ഥര്ക്ക് സാധിച്ചില്ല. തുടക്കം മുതല് കേസിന്റെ അന്വേഷണം തൃപ്തികരമല്ലെന്ന് പല ഉദ്യോഗസ്ഥരോടും മന്ത്രിമാരോടും അറിയിച്ചിരുന്നു. അന്വേഷണം സിബിഐ പോലുള്ള അന്വേഷണ സംഘത്തെ കേസ് ഏല്പ്പിക്കണമെന്നും ആവശ്യപ്പെട്ടത് അതുകൊണ്ടാണ്. എന്നാല് സര്ക്കാര് അന്വേഷണം സിബിഐയെ ഏല്പ്പിച്ച് സര്ക്കാരിന്റെ ബാധ്യത അവസാനിപ്പിക്കുകയായിരുന്നു.
സിബിഐക്ക് കേസ് കൈമാറി ഉത്തരവിറക്കിയതോടെ അന്വേഷണം നിശ്ചലമായി. കോടതിയുടെ മുന്നില് മരണത്തെ സംബന്ധിച്ച സംശയങ്ങള് ബോധിപ്പിക്കുവാനും സിബിഐയെ കൊണ്ട് കേസ് ഏറ്റെടുപ്പിച്ച് സത്യവാസ്ഥ പുറത്ത് വരണമെന്നുമാണ് ആഗ്രഹിക്കുന്നത്. മണിയുടേത് അസ്വാഭാവിക മരണമാണെന്ന് പരിശോധന റിപ്പോട്ടുകളില് പറയുമ്പോള് അതിന്റെ സത്യാവസ്ഥ കണ്ടുപിടിക്കുവാന് പോലീസിന് സാധിച്ചില്ല.
അതിനാലാണ് തെളിവുകളുടെ അഭാവത്തില് കേസിന്റെ അന്വേഷണം അവസാനിപ്പിക്കുകയാണെന്ന് പോലീസ് പറയുന്നത്. അന്വേഷണം അവസാനിപ്പിച്ചാതായുള്ള പോലീസ് രേഖകള് കൂടി ലഭിച്ചാല് ഉടന് ഹൈക്കോടതിയില് കേസ് നല്കുമെന്നും രാമകൃഷ്ണന് പറഞ്ഞു.
