മാവേലിക്കര: രാജാ രവിവര്മ്മ കോളേജ് ഓഫ് ഫൈന് ആര്ട്സിനെ കേന്ദ്ര സര്വ്വകലാശാലയുടെ ഭാഗമാക്കി നിലവാരം ഉയര്ത്താന് കേന്ദ്രസര്ക്കാര് നടപടി ആരംഭിച്ചു. ഇതിന്റെ പ്രാഥമിക ചര്ച്ചകള്ക്കായി കേന്ദ്ര സര്വകലാശാല സംഘം കോളേജ് സന്ദര്ശിച്ചു.
കേന്ദ്ര സര്വകലാശാല കള്ച്ചറല് വിഭാഗം ഡീന് ഡോ. ജയശങ്കര്, രജിസ്ട്രാര് ഡോ. രാധാകൃഷ്ണന് നായര്, എക്സി. എന്ജിനീയര് രാജഗോപാല് എന്നിവരാണ് കോളേജിലെത്തിയത്. കോളേജിന്റെ ഭൗതിക സാഹചര്യങ്ങള് കണ്ടു മനസിലാക്കിയ സംഘം അധ്യാപകരുമായി ചര്ച്ച നടത്തി.
കേന്ദ്ര സര്വ്വകലാശാലയുടെ ഭാഗമായി മാറുമ്പോള് ബിരുദാനന്തര ബിരുദ, ഗവേഷണ കോഴ്സുകള് ആരംഭിക്കും. അധ്യാപകര്ക്കും വിദ്യാര്ത്ഥികള്ക്കും മികച്ച വളര്ച്ചാ സാഹചര്യം ലഭിക്കുന്നതിനുള്ള സംവിധാനവും ഉണ്ടാകും. അദ്ധ്യാപകരുടെ ശമ്പളം യുജിസി വേതന വ്യവസ്ഥയിലേക്കു മാറി കേന്ദ്രസര്ക്കാര് നല്കുമെന്നതുള്പ്പെടെയുള്ള കാര്യങ്ങള് സര്വകലശാലാ സംഘം വിശദീകരിച്ചു. റിപ്പോര്ട്ട് കേന്ദ്ര സര്ക്കാരിനു സമര്പ്പിക്കും.
ഇതിന്റെ പകര്പ്പ് സംസ്ഥാന സര്ക്കാരിനും നല്കുമെന്നും അന്തിമ തീരുമാനം സംസ്ഥാന സര്ക്കാരാനു കൈക്കൊള്ളേണ്ടതെന്ന് ഡീന് ഡോ. ജയശങ്കര് അറിയിച്ചു. മഹാനായ ചിത്രകാരന് രാജാ രവിവര്മയുടെ പേരിലുള്ള കോളേജിന് ശതാബ്ദി പിന്നിട്ടിട്ടും വേണ്ടത്ര പുരോഗതി ഉണ്ടായിട്ടില്ല. സംസ്ഥാന സര്ക്കാരിന്റെ അലംഭാവമാണ് പ്രധാന കാരണം.
