വൈപ്പിന്: പുതുവൈപ്പിനില് സമരക്കാര്ക്കെതിരെ പോലീസ് ബലപ്രയോഗം, സമരപ്പന്തല് പൊളിച്ചു നീക്കി. സ്ത്രീകളും കുട്ടികളുമടക്കം നിരവധി പേരെ അറസ്റ്റ് ചെയ്തു.
പുതുവൈപ്പിനില് ഐഒസി പാചകവാതക സംഭരണി വരുന്നതിനെതിരെ കഴിഞ്ഞ നാല് മാസമായി നടന്നുവരുന്ന സമരമാണ് ഇന്നലെ സംഘര്ഷത്തില് കലാശിച്ചത്.
രാവിലെ 10 മണിയോടെ ഡിവൈഎസ്പി സനല്കുമാറിന്റെ നേതൃത്വത്തില് വന് പോലീസ് സംഘം സ്ഥലത്തെത്തിയാണ് സ്ത്രീകളും കുട്ടികളുമടക്കം ഇരുനൂറോളം സമരക്കാരെ അറസ്റ്റ് ചെയ്തത്. ജനകീയ സമരസമിതി ചെയര്മാന് എം.ബി. ജയഘോഷിനോട് സമരം അവസാനിപ്പിച്ചു പിന്മാറണമെന്ന് ഡിവൈഎസ്പി ആവശ്യപ്പെട്ടു. നിയമങ്ങള് ലംഘിച്ചുള്ള പണി മാത്രമാണ് എതിര്ക്കുന്നതെന്ന് ജയഘോഷ് മറുപടി നല്കി.
സമരക്കാരോട് പിരിഞ്ഞു പോകുവാന് ആവശ്യപ്പെട്ടെങ്കിലും കൂട്ടാക്കാത്തതിനെ തുടര്ന്ന് പോലീസ് ബലം പ്രയോഗിച്ചു. രാവിലെ അറസ്റ്റ് ചെയ്ത് എആര് ക്യാമ്പിലേക്ക് കൊണ്ടുപോയ ആളുകളെ വൈകീട്ട് 6 മണിയോടെ ഞാറക്കല് പോലീസ് സ്റ്റേഷനില് എത്തിച്ച ശേഷം വിട്ടയച്ചു.
