എറണാകുളം ഐഎംഎ ഹാളില് നടന്ന ഇന്ത്യന് സൊസൈറ്റി ഓഫ് ഗ്യാസ്ട്രോഎന്ട്രോളജി കേരള ചാപ്റ്ററിന്റെ രജത ജൂബിലി കോണ്ഫറന്സ് സംസ്ഥാന ആരോഗ്യ വകുപ്പ് ഡയറക്ടര് ഡോ. രമേഷ് ആര്് ഉദ്ഘാടനം ചെയ്യുന്നു
കൊച്ചി: ജില്ലാ ആശുപത്രികളില് ഗ്യാസ്ട്രോ എന്ട്രോളജി ഡോക്ടമാര്മാരുടെ സേവനം ലഭ്യമാക്കുമെന്ന് സംസ്ഥാന ആരോഗ്യ വകുപ്പ് ഡയറക്ടര് ഡോ. രമേഷ് ആര് . ഇന്ത്യന് സൊസൈറ്റി ഓഫ് ഗ്യാസ്ട്രോഎന്ട്രോളജി കേരള ചാപ്റ്ററിന്റെ രജത ജൂബിലി കോണ്ഫറന്സ് ഉദ്ഘാടനം ചെയ്യുകയായിരുന്നു അദ്ദേഹം.
കേരളത്തിലെ പൊതുജനാരോഗ്യ മേഖലയില് വലിയ മാറ്റങ്ങളാണ് സംഭവിക്കുന്നത്. ദേശീയ കുടുംബാരോഗ്യ സര്വേ പ്രകാരം പ്രമേഹം, രക്തസമ്മര്ദം, കാന്സര് തുടങ്ങിയ രോഗങ്ങള് വര്ധിക്കുകയാണ്. നേരത്തേ രോഗ നിര്ണ്ണയം നടത്തി കാര്യക്ഷമതയോടെ കൈകാര്യം ചെയ്യണം. സര്ക്കാര് ഡോക്ടര്മാര്ക്ക് ഐഎസ്ജി സംഘടനയുടെ എല്ലാ സഹകരണവും ലഭ്യമാക്കണമെന്നും അദ്ദേഹം പറഞ്ഞു.
ഗ്യാസ്ട്രോഎന്ട്രോളജി മേഖലയ്ക്ക് നല്കിയ സമഗ്ര സംഭാവനകള്ക്ക് പ്രൊഫ. വി. ബാലകൃഷ്ണന് ലൈഫ് ടൈം അച്ചീവ്മെന്റ് അവാര്ഡ് നല്കി. മുതിര്ന്ന അദ്ധ്യാപകര്ക്കും ഫാക്കല്റ്റി അംഗങ്ങള്ക്കും ഗുരുപ്രണാമം അര്പ്പിച്ചു. ഇന്ത്യന് സൊസൈറ്റി ഓഫ് ഗ്യാസ്ട്രോഎന്ട്രോളജി പ്രസിഡന്റ് ഡോ. ടി.എസ് ചന്ദ്രശേഖര് മുഖ്യപ്രഭാഷണം നടത്തി.
വിവിധ വിഷയങ്ങളില് ക്ലാസുകളും സെമിനാറുകളും ചര്ച്ചകളും സംഘടിപ്പിച്ചു. യുവ ഗ്യാസ്ട്രോഎന്ട്രോളജിസ്റ്റുകള്ക്കായി ആധുനിക എന്ഡോസ്കോപ്പി നടപടികള് വീഡിയോയിലൂടെ അവതരിപ്പിച്ചു. ഇആര്സിപി പരിശോധനയ്ക്കുള്ള പരിശീലനം, എന്ഡോസ്കോപ്പിക് ടെക്നീഷ്യന്മാര്ക്കും വിദ്യാര്ഥികള്ക്കും നഴ്സുമാര്ക്കും നൂതന ഉപകരണങ്ങളെക്കുറിച്ച് പരിശീലനം നല്കി.
രജത ജൂബിലി സുവനീര് സൈനര്ജിയുടെ പ്രകാശനം ഐ.എസ്.ജി ദേശീയ പ്രസിഡന്റ് (ഇലക്ട്) ഡോ.നരേഷ് ഭട്ട് നിര്വ്വഹിച്ചു. മെഡിക്കല് ട്രസ്റ്റ് ആശുപത്രി ഡയറക്ടര് പി.വി. ആന്റണി ആശംസകള് അര്പ്പിച്ചു. ഡോ. സുനില് കെ. മത്തായി, ഡോ. ബിനോയ് സെബാസ്റ്റിയന്, ഡോ. ജി.എന്. രമേഷ്, ഡോ. രാജീവ് എന്നിവര് പങ്കെടുത്തു. മെഡിക്കല് ട്രസ്റ്റ് ആശുപത്രിയിലെ ഗ്യാസ്ട്രോഎന്ട്രോളജി വിഭാഗത്തിന്റെയും കൊച്ചിന് ഗട്ട് ക്ലബ്ബിന്റെയും സഹകരണത്തോടെയായിരുന്നു പരിപാടി.
