കൊല്ലം: അഴീക്കല് ബീച്ചില് സദാചാര പോലീസിന്റെ മര്ദ്ധനത്തിനിരയായ പെണ്കുട്ടിക്ക് വധഭീഷണി. പെണ്കുട്ടിയെയും സുഹൃത്തിനെയും ആക്രമിച്ച സദാചാര ഗുണ്ടകളുടെ സുഹൃത്തുക്കളാണ് ഭീഷണിക്ക് പിന്നില്. ഇത് സംബന്ധിച്ച് പെണ്കുട്ടി കൊല്ലം ശൂരനാട് പൊലിസില് സ്റ്റേഷനില് പരാതി നല്കിട്ടുണ്ട്.
പെണ്കുട്ടിയുടെ അച്ഛനോടാണ് ഇവര് ആത്മഹത്യാ ഭീഷണി മുഴക്കിയതെന്ന് പെണ്കുട്ടി പരാതിയില് പറയുന്നു. അന്ന് ഇവരോടൊപ്പം ഉണ്ടായിരുന്ന സുഹൃത്ത് അനീഷ് കഴിഞ്ഞ മാസം 23ന് ആത്മഹത്യ ചെയ്തിരുന്നു.
ഫെബ്രുവരി 14നാണ് കേസിനാസ്പദമായ സംഭവം. അഴീക്കല് കടപ്പുറത്ത് വെച്ച് പെണ്കുട്ടിക്കും ഒപ്പമുണ്ടായിരുന്ന സുഹൃത്തിനും പ്രദേശവാസികളായ ഗുണ്ടകളുടെ മര്ദ്ദനമേറ്റത്. ആക്രമണം നേരിടേണ്ടി വന്നതിന് പിന്നാലെ അനീഷും സുഹൃത്തും കൊല്ലം സിറ്റി പൊലീസ് കമ്മീഷണര്ക്ക് പരാതി നല്കുകയും തുടര്ന്ന് അഞ്ച് പേര് അറസ്റ്റിലായിരുന്നു. ജാമ്യമില്ലാ വകുപ്പ് പ്രകാരമാണ് ഇവര്ക്കെതിരെ കേസെടുത്തത്.
ഇതിന് ശേഷം ഫെബ്രുവരി 19ന് ഒരു ഫേസ്ബുക്ക് പേജില് പുതിയ വീഡിയോ അപ് ലോഡ് ചെയ്ത് പ്രതികളുടെ സുഹൃത്തുക്കള് വീണ്ടും അപമാനിച്ചിരുന്നു. ഇതിന് പിന്നാലെയാണ് അനീഷ് ആത്മഹത്യ ചെയ്തത്. വീഡിയോ പ്രചരിച്ചതിനെത്തുടര്ന്ന് മാനഹാനി മൂലം ആത്മഹത്യയുടെ വക്കിലാണെന്ന് ഇരുവരും പറഞ്ഞിരുന്നു. തുടര്ന്ന് ദിവസങ്ങള്ക്ക് ശേഷമാണ് അനീഷ് ആത്മഹത്യ ചെയ്തത്.
