ലിയോണ്
റാഞ്ചിയില് സെഞ്ചുറി നേടിയ വൃദ്ധിമാന് സാഹ(10)യിലും ഓള് റൗണ്ടര് രവീന്ദ്ര ജഡേജ(16) യിലുമാണ് ഇനി ഇന്ത്യയുടെ പ്രതീക്ഷ.രണ്ടാം ദിവസം സ്റ്റമ്പെടുക്കുമ്പോള് കീഴടങ്ങാതെ നില്ക്കുന്ന ഇവര് ഇന്ന് മികച്ച കൂട്ടുകെട്ടിലൂടെ ധര്മശാലയില് റണ്മല തീര്ത്താല് ഇന്ത്യയ്ക്ക് കൈവിട്ട കനകാവസരം തിരിച്ചുപിടിക്കാനാകും.
ഓസ്ട്രേലിയയുടെ 300 റണ്സിന് മറുപടി പറഞ്ഞ ഇന്ത്യ ഒരുഘട്ടത്തില് ഒന്നിന് 108 റണ്സെന്ന ശക്തമായ നിലയിലായിരുന്നു.എന്നാല് ലിയോണ് മധ്യനിരയില് പടര്ന്നുകയറിയതോടെ ഇന്ത്യ തലകുത്തിവീണു.അവസാന നാലു വിക്കറ്റുകള് 64 റണ്സിന് നിലംപൊത്തി .പിച്ചിന്റെ ആനുകൂല്യം മുഴുവന് മുതലാക്കി പന്തെറിഞ്ഞ ലിയോണ് 67 റണ്സിന് നാലു വിക്കറ്റുകള് പിഴുതു.
ഓപ്പണര് രാഹുലും (60) പൂജാരയും (57) ക്യാപറ്റന് രാഹനെയു(46)മാണ് ഭേദപ്പെട്ട പ്രകടനം കാഴ്്ചവച്ചത്.മുരളി വിജയും (11) കരുണ് നായരും (5) വേഗത്തില് കീഴങ്ങി.
ഓപ്പണര്മാരായ രാഹുലും വിജയും മടങ്ങിയതിനു ശേഷം ക്രീസിലെത്തിയ പൂജാരയും രഹാനെയും ഓസീസിന്റെ ബൗളിംഗിന് പിടികൊടുക്കാതെ സ്കോര് ഉയര്ത്തിക്കൊണ്ടുവന്നു.
ചായക്കുശേഷം ലിയോണ് ആഞ്ഞടിച്ചതോടെ ഇന്ത്യയുടെ പതനം തുടങ്ങി.
കെ. എല് . രാഹുല് ബൗണ്ടറി നേടുന്നു
ചായക്കുശേഷം ആദ്യ ഓവറില് ലിയോണ് പൂജാരയെ മടക്കി.ഹാന്ഡ്സ്കോമ്പ് ക്യാച്ചെടുത്തു. ഒരു ടെസ്റ്റ് സീസണില് ഏറ്റവും കൂടുതല് റണ്സ് നേടുന്ന ഇന്ത്യന് താരമെന്ന നേട്ടം കൈവരിച്ചാണ് പൂജാര മടങ്ങിയത്്്.എട്ടുവര്ഷം മുന്പ് ഗൗതം ഗംഭീര് സ്ഥാപിച്ച റെക്കോഡാണ് തകര്ന്നത്.
പൂജാരയ്ക്കുശേഷമെത്തിയ കരുണ് നായരെ നിലയുറപ്പിക്കും മുമ്പ് ലിയോണ് കൂടാരം കയറ്റി. വിക്കറ്റിന് പിന്നില് മാത്യൂ വേഡ് ക്യാച്ചെടുത്തു.
നായകന് രഹാനയെയും ലിയോണ് വീഴ്ത്തി.മികച്ചൊരു ക്യാച്ചിലൂടെ ഓസീസ് നായകന് സ്റ്റീവ് സ്്മിത്താണ് രഹാനയെ പുറത്താക്കിയത്. ആറാം വിക്കറ്റില് രഹാനെ അശ്വിനുമൊത്ത് 49 റണ്സ് കൂട്ടി ചേര്ത്തു.വേഗത്തില് 30 റണ്സ് അടിച്ചെടുത്ത അശ്വിനെ ലിയോണ് വിക്കറ്റിന് മുന്നില് കുടുക്കി.ഹെയ്സല് വുഡും പാറ്റ് കമിന്സും ഒരോ വിക്കറ്റ് വീഴ്ത്തി.
സ്കോര്ബോര്ഡ്
ഓസ്ട്രേലിയ ഒന്നാം ഇന്നിംഗ്സ്:300
ഇന്ത്യ ഒന്നാം ഇന്നിംഗ്സ്:കെ.എല് രാഹുല് സി വാര്ണര് ബി കമിന്സ് 60, എം വിജയ് സി വേഡ് ബി ഹെയ്സല് വുഡ് 11, സി എ പൂജാര സി ഹാന്ഡ്സ്കോമ്പ് ബി ലിയോണ് 57, എ എം രഹാനെ സി സ്മിത്ത് ബി ലിയോണ് 46, കെ കെ നായര് സി വേഡ് ബി ലിയോണ് 5, ആര്.അശ്വിന് എല്ബിഡബ്ളിയു ബി ലിയോണ് 30, വി പി സാഹ നോട്ടൗട്ട് 10, ആര് എ ജഡേജ നോട്ടൗട്ട് 16, എക്സ്ട്രാസ് 13 ആകെ ആറു വിക്കറ്റിന് 248
വിക്കറ്റ് വീഴ്ച: 1-21, 2-108, 3-157, 4-167, 5-216, 6-221
ബൗളിംഗ്: ഹെയ്സല്വുഡ് 18-6-40-1, കമിന്സ് 21-5-59-1,എന് എം ലിയോണ് 28-5-67-4, ഓകീഫി 24-4-69-0
