ന്യൂദല്ഹി: സ്വാതന്ത്ര്യത്തിന് ശേഷം കോണ്ഗ്രസ് പാര്ട്ടിയെ പിരിച്ചുവിടാന് ഗാന്ധിജി ആവശ്യപ്പെട്ടതായി ബിജെപി ദേശീയ അധ്യക്ഷന് അമിത് ഷാ. സ്വാതന്ത്ര്യസമരത്തിനുള്ള ഉപാധി മാത്രമായാണ് കോണ്ഗ്രസ് രൂപീകരിക്കപ്പെട്ടത്.
പലതരത്തിലുള്ള ആശയമുള്ളവരുടെ കൂട്ടായ്മയായിരുന്നു അത്. ഗാന്ധിജിക്ക് ദീര്ഘവീക്ഷണമുണ്ടായിരുന്നു. അദ്ദേഹം ബുദ്ധിമാനായ ഒരു ബനിയ ആയിരുന്നു. സ്വാതന്ത്ര്യത്തിന് ശേഷം എന്താണ് സംഭവിക്കുകയെന്ന് ധാരണയുണ്ടായതിനാലാണ് കോണ്ഗ്രസ് പിരിച്ചുവിടണമെന്ന് അദ്ദേഹം ആവശ്യപ്പെട്ടത്. ഛത്തീസ്ഗഢിലെ പ്രചാരണ റാലിയില് ഷാ പറഞ്ഞു.
എന്നാല് ഗാന്ധിജിയെ ജാതി ചേര്ത്ത് സംബോധന ചെയ്തെന്ന ആരോപണവുമായി കോണ്ഗ്രസ് രംഗത്തെത്തി. ഷാ മാപ്പ് പറയണമെന്നും കോണ്ഗ്രസ് ആവശ്യപ്പെട്ടു. ഗുജറാത്തിലെ ബനിയ സമുദായം പരമ്പരാഗതമായി കച്ചവടക്കാരാണ്.
കോണ്ഗ്രസ് പാര്ട്ടിയെ നേതാക്കള് കച്ചവടമാക്കുമെന്ന് ബനിയ സമുദായംഗമായതിനാല് ഗാന്ധിജിക്ക് തിരിച്ചറിയാനായെന്നാണ് ഷാ ഉദ്ദേശിച്ചത്. കൂര്മ്മബുദ്ധിക്കാരെ ബനിയയെന്ന് വിളിക്കുന്നത് ഗുജറാത്തില് പതിവാണ്. ഇതില് അനാവശ്യ വിവാദമുണ്ടാക്കുകയാണ് കോണ്ഗ്രസ്.
