അയ്മനം: ജലസേചന ലഭ്യത കുറവുമൂലം വര്ഷങ്ങളായി തരിശായിക്കിടന്ന ഇരവീശ്വരം പാടശേഖരം ഇപ്രാവശ്യം വിരിപ്പു കൃഷിയിലൂടെ പൂര്ണ്ണായും പച്ചപ്പണിയുന്നു. അയ്മനം ഗ്രാമപഞ്ചായത്തിന്റെയും കര്ഷ കൂട്ടായ്മയുടെയും കുടുംബശ്രീ പ്രവര്ത്തകരുടെയും ശ്രമഫലമായിട്ടാണ് ഇത്തവണ മുഴുവന് പാടങ്ങളിലും വിത്തുവിതച്ച് കൃഷിയിറക്കിയത്. ഇതോടനുബന്ധിച്ച് ഗ്രാമപഞ്ചായത്ത് പ്രസിഡന്റ് എ.കെ. ആലിച്ചന് പാടത്തു വിത്തെറിഞ്ഞ് വിത ഉദ്ഘാടനം ചെയ്തു.
ആകെയുള്ള 108 ഏക്കറില് പകുതിയോളം സ്ഥലത്തുമാത്രമാണ് ഇതുവരെ കൃഷിചെയ്തുവന്നിരുന്നത്. ജലസേചന സൗകര്യമില്ലാതിരുന്നതുകൊണ്ട് ബാക്കിയുള്ള 48 ഏക്കറില് കൃഷി ചെയ്യാതെ 30 വര്ഷങ്ങളായി തരിശായി കിടക്കുകയായിരുന്നു. മീനച്ചിലാറ്റില്നിന്നും ജലം എത്തിച്ചിരുന്ന തോടുകള് സ്വകാര്യ വ്യക്തികള് കയ്യേറിയതും തോടിന്റെ ആഴം കൂട്ടി ജലമെത്തിക്കുവാന് സാധിക്കാതെ വന്നതുമാണ്. നിലം തരിശിടാന് കര്ഷകരെ നിര്ബന്ധിതരാക്കിയത്. ഈ പ്രശ്നങ്ങളെല്ലാം പരിഹരിച്ചാണ് ഇപ്പോള് 108 ഏക്കറിലും കൃഷിയിറക്കുവാന് 130 കര്ഷകരും തീരുമാനിച്ചത്. ആദ്യമായി വിരിപ്പ് കൃഷിയിറക്കുന്നതിന് തരിശുനിലങ്ങളഇല് ഏക്കറിന് 25000 രൂപ ധനസഹായം ലഭിക്കുമെന്നും കൃഷിക്കാരുടെ കൂട്ടായ്മയുടെ വിജയമാണിതെന്നും കര്ഷക പ്രതിനിദികളായ എം.എന്. വിശ്വനാഥന് മാന്താറ്റില്, രാജപ്പന് പെരുന്താനം, കെ.എന്. രഘുകുമാര് എന്നിവര് പറഞ്ഞു,
വിത ഉത്ഘാടനത്തിന് ഗ്രാമപഞ്ചായത്തംഗം ബിന്ദു ഹരികുമാര്, ഗ്രാമപഞ്ചായത്ത് സെക്രട്ടറി അരുണ്കുമാര്, മുജിബ് എന്നിവരും സന്നിഹിതരായിരുന്നു.
