ലണ്ടന്:നിലവിലുളള ചാമ്പ്യന്മാരായ ഇന്ത്യ ചാമ്പ്യന്സ് ട്രോഫിയില് സെമിഫൈനല് മോഹവുമായി ഇറങ്ങുന്നു. ഗ്രൂപ്പ് ബിയിലെ നിര്ണായക മത്സരത്തില് അവര് ഇന്ന് ശ്രീലങ്കയെ നേരിടും. പരമ്പരാഗത വൈരികളായ പാക്കിസ്ഥാനെ ആദ്യ മത്സരത്തില് തകര്ത്തുവിട്ടതിന്റെ ആത്മബലവുമായാണ് ഇന്ത്യ പോരിനിറങ്ങുന്നത്. അതേസമയം ദക്ഷിണാഫ്രിക്കക്കെതിരെ തകര്ന്നടിഞ്ഞ ശ്രീലങ്ക വിജയം പിടിക്കാനൊളളു തയ്യാറെടുപ്പിലാണ്. കടലാസില് ശ്രീലങ്കയെക്കാള് മുന്തൂക്കം ഇന്ത്യയ്ക്കാണ്.എന്നിരുന്നാലും മഴ കളിച്ചില്ലെങ്കില് ഉശിരന് പോരാട്ടം തന്നെ പ്രതീക്ഷിക്കാം.
ഇന്ന് വിജയം നേടിയാല് ഇന്ത്യയ്ക്ക് സെമി ഉറപ്പാകും.11 ന് ദക്ഷിണാഫ്രിക്കക്കെതിരായ അവസാന ലീഗ് മത്സരത്തില് ടെന്ഷനില്ലാതെ കളിക്കാനും കഴിയും.
ആദ്യ മത്സരത്തില് ദക്ഷിണാഫ്രിക്കയോട് 96 റണ്സിന് തോറ്റ ശ്രീലങ്കയ്ക്ക് ഇത് ജീവന്മരണപോരാട്ടമാണ്.ടൂര്ണമെന്റില് പ്രതീക്ഷ നിലനിര്ത്തണമെങ്കില് അവര്ക്ക് വിജയം തന്നെ നേടണം.
പോയതവണ ചാമ്പ്യന്പട്ടം തലയിലേറ്റിയ ഇന്ത്യയുടെ ബാറ്റിങ്ങ് അതിശക്തമാണ്.അതുപോലെ ബൗളിങ്ങും ശക്തം തന്നെ.അതേസമയം, ശ്രീലങ്ക ഉയര്ത്തേഴുന്നേല്പ്പിന്റെ കാലഘട്ടത്തിലാണ്. നായകന് ആഞ്ചലോ മാത്യൂസിന്റെ പരിക്കും അവര്ക്ക് പ്രശ്നമാണ്. ഓള് റൗണ്ടറായ മാത്യൂസ് ഇന്ന് മത്സരിക്കാനിറങ്ങും.പക്ഷെ ബൗള് ചെയ്യില്ലെന്ന് ശ്രീലങ്കന് ടീം മാനേജര് അശാങ്ക ഗരുസിന്ഹ അറിയിച്ചു.പരിചയസമ്പന്നനായ ഓപ്പണര് ഉപുല് തരംഗാനയുടെ അഭാവവും തലവേദനയാണ്.രണ്ടു മത്സരത്തില് നിന്ന് സസ്പെന്ഷന് ചെയ്തതിനാലാണ് തരംഗാനയ്ക്ക് കളിക്കാന് കഴിയാത്തത്.
വിരമിച്ച മഹേള ജയവര്ധന, കുമാര് സംഗക്കാര തുടങ്ങിയവരെപ്പോലെ കഴിവുളള കളിക്കാരൊന്നും ശ്രീലങ്കന് ടീമിലില്ല. ദിനേശ് ചാണ്ടിമല്, ചമരക കപുഗഡേര തുടങ്ങിയവര്ക്കൊന്നും ഇനിയും കഴിവുതെളിയിക്കാനായിട്ടില്ല. പാക്കിസ്ഥാനെ തോല്പ്പിച്ച ടീമിനെ തന്നെ ഇന്ത്യ ഇന്ന് കളിക്കളത്തിലിറക്കുമെന്നാണ് പ്രതീക്ഷ.
