ആലപ്പുഴ: ലോക പരിസ്ഥിതി ദിനത്തില് സര്ക്കാര് കോടികള് മുടക്കി സംസ്ഥാനമെങ്ങും മരങ്ങള് വെച്ചുപിടിപ്പിക്കുമ്പോള്, ഇടതുപക്ഷം ഭരിക്കുന്ന മാരാരിക്കുളം വടക്ക് പഞ്ചായത്തില് മരങ്ങള് അനധികൃതമായി വെട്ടി മാറ്റുന്നു.
ഓട്ടോ കാസ്റ്റിലെ മരങ്ങള് വെട്ടുന്നു എന്ന വ്യാജേന അതിന് പുറകിലുള്ള സര്ക്കാര് പുറമ്പോക്കിലെ മരങ്ങള് കൂടി വെട്ടി മാറ്റുകയായിരുന്നു. ഓട്ടോകാസ്റ്റിലെ ഉദ്യോഗസ്ഥരുടെയും മാരാരിക്കുളം വടക്ക് പഞ്ചായത്ത് അധികൃതരുടെയും ഒത്താശയോടെയാണ് ഇത് നടക്കുന്നതെന്ന് ബിജെപി ആലപ്പുഴ നിയോജക മണ്ഡലം പ്രസിഡന്റ് ജി. വിനോദ് കുമാര്, സംസ്ഥാന സമിതി അംഗം ആര്. ഉണ്ണികൃഷ്ണന് എന്നിവര് ആരോപിച്ചു.
മൂന്നുദിവസമായി നടക്കുന്ന അനധികൃത മരംമുറി പഞ്ചായത്ത് അധികൃതരെയും വനം വകുപ്പിനെയും അറിയിച്ചിട്ടും യാതൊരു നടപടിയും ഇതുവരെ സ്വീകരിച്ചിട്ടിട്ടില്ല. ഒരു വശത്ത് കോടികള് മുടക്കി പരസ്യവും നല്കി സര്ക്കാര് മരങ്ങള് വെച്ചുപിടിപ്പിക്കുമ്പോള് മറുവശത്ത് അതേ സര്ക്കാരിന്റെ തന്നെ പാര്ട്ടി ഭരിക്കുന്ന പഞ്ചായത്തില് അനധികൃതമായി മരങ്ങള് വെട്ടിമാറ്റുന്നത് പരിസ്ഥിതി ദിനത്തില് സര്ക്കാര് കാട്ടിക്കൂട്ടിയത് വെറും പ്രഹസനമാണെന്നതിന് തെളിവാണ്
അനധികൃതമായി മരങ്ങള് വെട്ടിമാറ്റിയവര്ക്കെതിരെ ശക്തമായ നടപടി സ്വീകടിക്കണമെന്ന് ബിജെപി ആവശ്യപ്പെട്ടു.
