ശ്രീനഗര്: കശ്മീരില് ഭീകരര്ക്കെതിരെയുള്ള വിജയം സിആര്പിഎഫ് ജവാന്മാര് ആഘോഷിച്ചത് ഭാരതാമ്പയ്ക്ക് ജയാരവം മുഴക്കി. വെള്ളിയാഴ്ച പുലര്ച്ചെ ബന്ദിപ്പുരയിലെ സൈനിക ക്യാമ്പിന് നേരെ ആക്രമണം നടത്താന് ശ്രമിച്ച നാല് ഭീകരരെ വധിച്ചതിന് ശേഷമാണ് സൈനികര് ‘ഭാരത് മാതാ കി ജയ്’ എന്ന മുദ്രാവാക്ക്യം മുഴക്കി വിജയം ആഘോഷിച്ചത്.
പുലര്ച്ചെ 4.30ഓടെ സിആര്പിഎഫ് 45-ാം ബറ്റാലിയന്റെ ക്യാമ്പിനു നേരെയാണ് ഭീകരര് ആക്രമണം നടത്തിയത്. ഭീകരര്ക്കെതിരെയുള്ള പോരാട്ടം പത്തു മിനിറ്റോളം നീണ്ടു എന്നാണ് റിപ്പോര്ട്ട്. ഭീകരരില് നിന്ന് പെട്രോളും ആയുധങ്ങളും കണ്ടെടുത്തു. ഗ്രനേഡുകള്, എകെ 47 തോക്കുകള്, തുടങ്ങിയവയാണ് പിടിച്ചെടുത്തത്.
ഭീകരാക്രമണത്തിന്റെ പശ്ചാത്തലത്തില് പ്രദേശത്ത് കൂടുതല് ഭീകരര് ഒളിച്ചിരിക്കുന്നുണ്ടോയെന്ന് സൈന്യം തെരച്ചില് നടത്തുകയാണ്.
WATCH: CRPF jawans raise 'Bharat Mata ki Jai' slogans after thwarting suicide attack attempt by fidayeen terrorists on camp in Bandipora,J&K pic.twitter.com/r0ileu4MRR
— ANI (@ANI) June 5, 2017
