തളിപ്പറമ്പ്: പരിയാരം മെഡിക്കല് കോളേജ് കാമ്പസിലെ താന്നിമരം അനുമതിയില്ലാതെ മുറിച്ചനീക്കിയതായി പരാതി. മെഡിക്കല് കോളേജ് പ്രധാന കെട്ടിടത്തില് നിന്നും ഏറെ മാറി പഴയ സാധനങ്ങള് സ്റ്റോക്ക് ചെയ്യുന്ന കെട്ടിടത്തിന് സമീപത്തായുള്ള മരമാണ് കഴിഞ്ഞ ദിവസം മുറിച്ചുമാറ്റിയത്. സര്ക്കാര് ഭൂമിയിലെ ഏത് മരവും മുറിക്കുന്നതിന് ഡിവിഷണല് ഫോറസ്റ്റ് ഓഫീസറുടെ നേതൃത്വത്തിലുള്ള കമ്മറ്റി പരിശോധിച്ച് അനുമതി നല്കേണ്ടതുണ്ട് എന്നിരിക്കെ യാതൊരുവിധ അനുമതിയും തേടാതെയാണ് ഈ കൂറ്റന് മരംമുറിച്ചുമാറ്റിയത്.
സ്വകാര്യവ്യക്തിക്ക് നല്കുന്നതിനാണ് മരം മുറിച്ചതെന്ന ആരോപണം ഉണ്ടെങ്കിലും സംഭവം വിവാദമായതിനെ തുടര്ന്ന് മുറിച്ച സ്ഥലത്തുനിന്നും മാറ്റിയിട്ടില്ല. ഒരുലക്ഷത്തോളം രൂപ വിലവരുന്നതാണ് ഈ മരം. ഇതിനെതിരെ മലബാര് അസോസിയേഷന് ഫോര് നേച്ചര്മാന് വനംവകുപ്പ് അധികൃതര്ക്ക് പരാതി നല്കിയിട്ടുണ്ട്.
