ലണ്ടന്: എഫ് എ കപ്പിന്റെ ഫൈനലില് ആഴ്സണല് ഇന്ന് ചെല്സിയെ നേരിടും. വെബ്ലി സ്റ്റേഡിയത്തിലാണ് മത്സരം. വേദനാജനകമായ ഈ സീസണ് എഫ് എ കപ്പില് വിജയം നേടിയവസാനിപ്പിക്കാമെന്ന പ്രതീക്ഷയിലാണ് ആഴ്സ്നെ വെങ്ങറുടെ ആഴ്സണല് ടീം.
അതേസമയം പ്രീമിയര് ലീഗില് കരീടമണിഞ്ഞ ചെല്സി ഈ സീസണിലെ രണ്ടാം കിരീടമോഹവുമായാണ് കളിക്കളത്തിലിറങ്ങുന്നത്.
ഇരുപതു വര്ഷത്തിനുളളില് ആദ്യമായി ചാമ്പ്യന്സ് ലീഗിന് യോഗ്യതനേടാന് കഴിയാതെ പോയതിന്റെ നിരാശയിലാണ് ആഴ്സണല്. എഫ് കപ്പ് നേടി വെങ്ങര്ക്ക് ചരിതപുസ്തകത്തില് സ്ഥാനം നേടിക്കൊടുക്കാനുളള തയ്യാറെടുപ്പിലാണവര്.ആഴ്സണല് ജേതാക്കളായാല് ഏഴുതവണ എഫ്എ കപ്പ് സ്വന്തമാക്കുന്ന ആദ്യ മാനേജരെന്ന റെക്കോര്ഡ് വെങ്ങര്ക്ക് സ്വന്തമാകും.
എന്റെ ടീമം മികവ് കാട്ടുമെന്നാണ് പ്രതീക്ഷ. എന്റെ ക്ലബ്ബിനുവേണ്ടി കപ്പ് നേടാന് ആഗ്രഹിക്കുന്നതായി വെങ്ങര് പറഞ്ഞു.വെങ്ങറുടെ കാലവധി അവസാനിക്കുകയാണ്. വിജയത്തോടെ വെങ്ങര്ക്ക് ടീം യാത്രയയപ്പ് നല്കാനുളള ഒരുക്കത്തിലാണ്.
ലീഗിലെ അവസാന എട്ടുമത്സരങ്ങില് ഏഴെണ്ണത്തിലും ആഴ്സണല് വിജയം കൈവരിച്ചു. എന്നാല് ലിവര്പൂളിനോട് ഒരു പോയിന്റ് വ്യതാസത്തിന് നാലാം സ്ഥാനം നഷ്ടമായി.അതോടെ ചാമ്പ്യന്സ് ലീഗിലേയ്ക്കുളള വഴി അടഞ്ഞു.ലീഗിലെ ആദ്യ നാലു സ്ഥാനക്കാര്ക്കാണ് ചാമ്പ്യന്സ് ലീഗിന് യോഗ്യത ലഭിക്കുക.
മാഞ്ചസ്റ്റര് സിറ്റിയെ ഒന്നിനെതിരെ രണ്ടു ഗോളുകള്ക്ക് തോല്പ്പിച്ചാണ് ആഴ്സണല് ഫൈനലില് കടന്നത്.അധിക സമയത്ത് അലക്സി സാഞ്ചസ് നേടിയ ഗോളാണ് അവര്ക്ക് വിജയം സമ്മാനിച്ചത്. ടോട്ടന്ഹാമിനെ രണ്ടിനെതിരെ നാലു േഗാളുകള്ക്ക് തകര്ത്താണ് ചെല്സി ഫൈനലില് കടന്നത്. ഈ സീസണിലെ ലീഗ് മത്സരത്തില് ആഴ്സണലും ചെല്സിയും രണ്ടു തവണ ഏറ്റുമുട്ടി.ആദ്യ മത്സരത്തില് ഏകപക്ഷീയമായ മൂന്ന് ഗോളുകള്ക്ക് ചെല്സിയെ തോല്പ്പിച്ചു.എന്നാല് രണ്ടാം മത്സരത്തില് ചെല്സി ഒന്നിനെതിരെ മൂന്ന് ഗോളുകള്ക്ക് ആഴ്സണലിനെ കീഴടക്കി.
ഇരു ടീമുകളും ഇതുവരെ 189 തവണ ഏറ്റുമുട്ടിയിട്ടുണ്ട്. ആഴ്സണല് 73 വിജയങ്ങളും ചെല്സി 62 വിജയങ്ങളും നേടി.54 മത്സരങ്ങള് സമനിലയായി.
