ന്യൂദല്ഹി: ആയൂര്വേദത്തിന്റെ സാധ്യതകള് പ്രയോജനപ്പെടുത്തി വിനോദസഞ്ചാര മേഖലയില് വലിയ മാറ്റം വരുത്താന് കേരളത്തിനാകുമെന്ന് പ്രൊഫ. റിച്ചാര്ഡ് ഹെ എം പി. ആയൂര്വേദ ടൂറിസം കേരളത്തിന്റെ മുഖച്ഛായതന്നെ മാറ്റും. ജന്മഭൂമി യുടെ ടൂറിസം മാഗസിന് ‘മൈ ഇന്ത്യ’ യുടെ പ്രകാശന ചടങ്ങില് സംസാരിക്കുകയായിരുന്നു അദ്ദേഹം.
ടൂറിസം വികസനത്തിന് നരേന്ദ്ര മോദി സര്ക്കാര് മുന്തിയ പരിഗണനയാണ് നല്കുന്നത്. പുതുമയുള്ളതും ആകര്ഷകങ്ങളുമായ നിരവധി പദ്ധതികള് ആവിഷ്ക്കരിച്ചിട്ടുണ്ട്. അവയൊക്കെ മികച്ച രീതിയില് നടപ്പാക്കാന് കേരളത്തിനു കഴിയും. ദൈവത്തിന്റെ സ്വന്തം നാടിന്റെ സ്വന്തമെന്നു പറയാവുന്നതാണ് ആയൂര്വേദം.
പക്ഷേ ആയൂര്വേദത്തിന്റെ സാധ്യതകള് പ്രയോജനപ്പെടുത്താന് കേരളത്തിനു കഴിയുന്നില്ല. ശ്രീലങ്ക അവരുടെ വിനോദസഞ്ചാരമേഖയലുടെ പ്രധാന ഇനമായി ആയൂര്വേദത്തെ ഉള്പ്പെടുത്തിയിരുക്കുന്നു. കേരളം ഉക്കാര്യത്തില് പുറകോട്ടു പോയി. റിച്ചാര്ഡ് ഹെ പറഞ്ഞു.
