ന്യൂദല്ഹി: എയര് ഇന്ത്യ ജീവനക്കാരനെ ചെരുപ്പൂരിയടിച്ച ശിവസേന എംപി രവീന്ദ്ര ഗെയ്ക്ക് വാദിനോട് നിലപാട് കടുപ്പിച്ച് വിമാനക്കമ്പനി. രവീന്ദ്ര ഗെയക്ക് ഇനി ഖേദം പ്രകടിപ്പിച്ചാലും യാത്രവിലക്ക് നീക്കില്ലെന്ന് എയര് ഇന്ത്യ വ്യക്തമാക്കി.
നിരുപാധികം മാപ്പു പറഞ്ഞില്ലെങ്കില് രവീന്ദ്ര ഗായ്ക്വാഡിന്റെ യാത്രാവിലക്ക് നീക്കില്ല. യാത്രക്കാരുടെ സുരക്ഷയ്ക്കാണു പ്രാധാന്യം നല്കുന്നതെന്ന് എയര് ഇന്ത്യ ജീവനക്കാരുടെ സംഘടന അറിയിച്ചു. എംപിയെ വീണ്ടും യാത്രചെയ്യാന് അനുവദിക്കുന്നത് സുരക്ഷാ പ്രശ്നങ്ങള് ഉണ്ടാക്കുമെന്നും സര്ക്കാര് ഈ വിഷയം ചിന്തിക്കണമെന്നും സംഘടന ആവശ്യപ്പെട്ടു.
സംഭവത്തില് വ്യോമയാന മന്ത്രി അശോക് ഗജപതി റാവുവിന് എഴുതിയ കത്തിലായിരുന്നു രവീന്ദ്ര ഗെയ്ക്ക് വാദ് മാപ്പു പറഞ്ഞത്. ഇനി ഇത്തരം പ്രവര്ത്തനങ്ങള് ഉണ്ടാകില്ലെന്ന് ഉറപ്പു നല്കിയാല് ഇടപെടാമെന്നു സര്ക്കാര് അറിയിച്ചതിനെ തുടര്ന്നാണ് ഗായ്ക്വാഡ് കത്തു നല്കിയത്.
വിലക്ക് തന്റെ പ്രവര്ത്തനത്തെ ബാധിക്കുന്നുവെന്നും അന്വേഷണത്തിലൂടെ യാഥാര്ഥ്യം പുറത്തുകൊണ്ടുവരണമെന്നും ശിവസേന എംപി കത്തില് ആവശ്യപ്പെട്ടിരുന്നു. എന്നാല് കത്തു നല്കിയതിനു തൊട്ടുപിന്നാലെയാണ് വിലക്കു നിലവിലുണ്ടെന്ന വിശദീകരണവുമായി എയര് ഇന്ത്യ രംഗത്തെത്തി.
