ന്യൂദല്ഹി: മലയാളി സൈനികന് ദൂരൂഹ സാഹചര്യത്തില് മരിച്ചതിന്റെ അന്വേഷണത്തിന് സുപ്രീംകോടതി മേല്നോട്ടം വഹിക്കണമെന്നാവശ്യപ്പെട്ട് വനിതാ പത്രപ്രവര്ത്തക ഹര്ജി നല്കി. നാസിക്കിലെ സൈനിക ക്യാമ്പില് സ്റ്റിംഗ് ഓപ്പറേഷന് നടത്തിയ ദല്ഹിക്കാരിയായ പൂനം അഗര്വാളാണ് സുപ്രീംകോടതിയെ സമീപിച്ചത്.
ഔദ്യോഗിക രഹസ്യ നിയമപ്രകാരം നാസിക്ക് പോലീസ് പൂനത്തിനെതിരേ കേസെടുത്തിട്ടുണ്ട്. സൈന്യത്തിലെ ബഡി സംവിധാനം ദൂരുപയോഗം ചെയ്യുന്നത് വെളിച്ചത്തു കൊണ്ടുവരുന്നതിനാണ് ഒളിക്യാമറ ഓപ്പറേഷന് നടത്തിയത്. മലയാളിയായ സൈനികന് റോയ് മാത്യുവിന്റെ സംഭാഷണങ്ങളും വീഡിയോയും പകര്ത്തിയിരുന്നു. വിഡിയോ പുറത്തു വന്നതിനു പിന്നാലെ റോയ് മാത്യു ദുരൂഹ സാഹചര്യത്തില് മരിച്ചു.
ഇതിനെ തുടര്ന്നാണ് ദല്ഹിയിലെ ന്യൂസ് പോര്ട്ടലില് ജോലി ചെയ്യുന്ന പൂനം അഗര്വാളിനെതിരേ നാസിക്ക് പോലീസ് എഫ്ഐആര് രജിസ്റ്റര് ചെയ്തത്.
