ന്യൂദല്ഹി: അയല്ക്കാര്ക്കുള്ള ഇന്ത്യയുടെ സമ്മാനം ജിസാറ്റ്-9 മെയ് ആദ്യവാരത്തോടെ ഐഎസ്ആര്ഒ വിക്ഷേപിക്കും. സൗത്ത് ഏഷ്യന് രാജ്യങ്ങള്ക്ക് വാര്ത്താ വിനിമയ രംഗത്ത് 12 വര്ഷത്തോളം ഈ ഉപഗ്രഹത്തിന്റെ സേവനം ലഭ്യമാകും.
വാര്ത്താവിനിമയത്തിനൊപ്പം പ്രകൃതി ദുരന്തത്തെ കുറിച്ചുള്ള മുന്നറിയിപ്പും ഈ ഉപഗ്രഹത്തിലൂടെ രാജ്യങ്ങള്ക്ക് ലഭ്യമാകും. എന്നാല് പാക്കിസ്ഥാന് ഈ പദ്ധതിയുടെ ഭാഗമല്ല. ജിഎസ്എല്വി-9 റോക്കറ്റ് ഉപയോഗിച്ച് ശ്രീഹരിക്കോട്ടയില് നിന്നും വിക്ഷേപിക്കുന്ന ഉപഗ്രത്തിന്റെ ഭാരം 2195 കിലോയാണ്.
2014ല് കാഡ്മണ്ഡുവില് നടന്ന സാര്ക് ഉച്ചകോടിയിലാണ് ഇന്ത്യന് പ്രധാനമന്ത്രി അയല്ക്കാര്ക്കുള്ള സമ്മാനമെന്ന നിലയില് പ്രധാനമന്ത്രി നരേന്ദ്ര മോദിയാണ് പദ്ധതി പ്രഖ്യാപിച്ചത്. ആദ്യം സാര്ക് സാറ്റലൈറ്റ് എന്നയിരുന്നു ഈ ഉപഗ്രഹത്തിന്റെ പേരെങ്കിലും പിന്നീട് പാക്കിസ്ഥാന് പിന്മാറിയതോടെ സൗത്ത് ഏഷ്യന് ഉപഗ്രഹം എന്ന് പേര് മാറ്റുകയായിരുന്നു.
