കൊല്ലങ്കോട്: തണ്ണീര്തട സംരക്ഷണത്തിന്റെ മറവില് കുളങ്ങള് വൃത്തിയാക്കി ആഴം കൂട്ടി വെള്ളം സംഭരിക്കുന്നതിനായി സ്വകാര്യ വ്യക്തി കുളത്തിലെ മണ്ണ് ലോറിയില് കയറ്റി കൊണ്ടു പോകുന്നത് നാട്ടുകാര് തടഞ്ഞു.
ചിങ്ങംചിറ പ്രകൃതിക്ഷേത്രത്തിന്റെ ഉടമസ്ഥതയിലുള്ള കുളത്തില് നിന്നാണ് രണ്ട് വര്ഷം മുമ്പ് ശുചീകരണം നടത്തിയ കുളം വീണ്ടും ആഴം കൂട്ടുന്ന പ്രവര്ത്തനം നടത്തി അയല്ജില്ലകളിലേക്ക് വ്യാപകമായി കളിമണ്ണ് കടത്തുന്നത്. തണ്ണീര്ത്തട നിര്മ്മാണം നടക്കുമ്പോള് എടുക്കുന്ന മണ്ണ് കുളത്തിന്റെ വശങ്ങളിലിട്ട് ബലപ്പെടുത്തണമെന്ന് നിയമം അനുശാസിക്കുന്നത്.
ബാക്കി വരുന്ന മണ്ണ് പഞ്ചായത്തിന്റെ അതിര്ത്തിയില് ആവശ്യപ്പെടുന്നവര്ക്ക് നല്കാതെ തൃശ്ശൂരിലുള്ള സ്വകാര്യ കമ്പനികള്ക്ക് വില്പന നടത്തുന്നതായും പറയുന്നു. ഇതിനായി സര്ക്കാറിലേക്ക് നിശ്ചിത തുകയും അടച്ചിട്ടുണ്ടത്രെ. ഇതിന് അനുമതി നല്കിയതാകട്ടെ ജില്ലാ കളക്ടറും ജിയോളജി വകുപ്പ്, തഹ്സില്ദാര്, റവന്യൂ വകുപ്പ്, പഞ്ചായത്ത് സെക്രട്ടറി എന്നിങ്ങനെയുള്ള ഉദ്യോഗസ്ഥരുമാണ്.
കൊല്ലങ്കോട് എലവഞ്ചേരി മുതലമട എന്നീ പഞ്ചായത്തുകളിലെ മലയോര പ്രദേശം ദുര്ബല പരിസ്ഥിതിലോല പ്രദേശമാണെന്നും ഇവിടെ മണ്ണ് ഖനനം നടത്തരുതെന്ന് പറഞ്ഞ് ജില്ലാ കളക്ടര് മലയോര പ്രദേശങ്ങളില് പരിശോധന നടത്തി ഇഷ്ടിക നിര്മ്മാണം നിര്ത്താലാക്കി ഇഷ്ടിക കണ്ടു കെട്ടിയിരുന്നു എന്നാല് പ്രസ്തുത പ്രദേശത്താണ് ഒന്നര മീറ്റര് താഴ്ച്ചയില് മണ്ണു ഖനനത്തിനായി ജിയോളജി വകുപ്പ് അനുമതി നല്കിയത്.
സര്ക്കാരിലേക്ക് നിശ്ചിത തുക അടച്ച് ഈ മാസാവസാനം വരെ കളിമണ്ണ് കടത്താന് ഉത്തരവ് നേടിയിട്ടുള്ളത്. ഒരു വശത്ത് ജില്ലാ ഭരണകൂടം മണ്ണ് മാഫിയകളെ തടയുകയും മറുവശത്ത് മണ്ണ് മാഫിയകള്ക്ക് ഒത്താശ ചെയ്തു കൊടുക്കുകയും ചെയ്യുന്ന നിലപാടാണെന്ന് നാട്ടുകാര് ആരോപിച്ചു.
പരിസ്ഥിതി ദുര്ബല പ്രദേശം സംരക്ഷിക്കണമെന്ന് പറയുമ്പോഴും തശ്ശൂരിലെ സ്വകാര്യ സ്ഥാപനത്തിലേക്ക് ഇവിടെ നിന്നും കളിമണ്ണ് കയറ്റി അയക്കുന്ന സമീപനത്തിനെതിരെ നാട്ടുകാര് മണ്ണ് കയറ്റിയ ലോറിയെ തടഞ്ഞു.
സംഭവസ്ഥലത്ത് പോലീസ് എത്തിയതോടെ നാട്ടുകാര് പിരിഞ്ഞു പോയി മണ്ണ് കടത്തുന്ന ഉടമസ്ഥര് തല്ക്കാലം മണ്ണ് എടുക്കുന്നില്ല എന്ന നിലപാടിലുമായി.
