പയ്യാവൂര്: പഴയകാല സംഘപ്രവര്ത്തകനും സംഘപരിവാര് സംഘടനകളുടെ മലയോര മേഖലയിലെ പ്രമുഖ നേതാവുമായിരുന്ന പയ്യാവൂരിലെ കെ.വി.ഗോവന്ദമാരാര്ക്ക് ശ്രദ്ധാഞ്ജലി അര്പ്പിച്ച് പയ്യാവൂരില് അനുസ്മരണ പരിപാടി നടത്തി. ആര്എസ്എസ് സഹപ്രാന്ത പ്രചാരക് എസ്. സുദര്ശന് മുഖ്യ പ്രഭാഷണം നടത്തി. ഹൈന്ദവ പ്രസ്ഥാനങ്ങളുടെ ഉണര്വ്വിനുവേണ്ടി പ്രവര്ത്തിച്ച വ്യക്തികളില് ഒരാളാണ് പയ്യാവൂരിലെ ഗോവിന്ദ മാരാറെന്നും അദ്ദേഹത്തിന്റെ പ്രവര്ത്തനം മുഴുവന് സ്വയംസേവകര്ക്കും മാതൃകയാണെന്നും സുദര്ശന് പറഞ്ഞു. 68 മുതല് സംഘപ്രസ്ഥാനങ്ങളില് പ്രവര്ത്തിച്ചുവന്ന ഗോവിന്ദമാരാര് ഒട്ടേറെ ത്യാഗങ്ങള് സഹിച്ച വ്യക്തിയാണ്. മലയോര മേഖലയില് നിരവധി ക്ഷേത്രങ്ങളുടെ പുനരുദ്ധാരണ പ്രവര്ത്തനങ്ങള്ക്ക് നേതൃത്വം നല്കിയ ഇദ്ദേഹം ഉത്തമനായ സ്വയംസേവകനാണ്. ഇദ്ദേഹത്തിന്റെ വേര്പാട് സംഘപ്രസ്ഥാനങ്ങള്ക്ക് തീരാനഷ്ടമാണെന്നും സുദര്ശന് അഭിപ്രായപ്പെട്ടു. ചടങ്ങില് ആര്എസ്എസ് ശ്രീകണ്ഠപുരം ഖണ്ഡ് സംഘചാലക് എം.ശ്രീധരന് അധ്യക്ഷത വഹിച്ചു. ജില്ലാ കാര്യകാരി സദസ്യന് ടി.ഒ.രാജേഷ് സ്വാഗതം പറഞ്ഞു. ചടങ്ങില് നൂറുകണക്കിന് സ്വയംസേവകര് പങ്കെടുത്തു.
ഗോവിന്ദമാരാര് അനുസ്മരണം നടത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.