കോട്ടയം: പഞ്ചിങ് സംവിധാനം ഏര്പ്പെടുത്തിയതിനു പിന്നാലെ കോട്ടയം നഗരസഭയില് നിരീക്ഷണ ക്യാമറ സംവിധാനവും വരുന്നു. ഇതോടെ ജീവനക്കാരുടെ ഉദ്യോഗസ്ഥരുടെയും നീക്കങ്ങള് നിരീക്ഷിക്കുവാനും ആഫീസ് പ്രവര്ത്തനം കൂടുതല് കാര്യക്ഷമമാക്കുവാന് കഴിയുമെന്നും കരുതുന്നു.
മെയ് ഒന്നു മുതല് ഇവിടെ പഞ്ചിങ് സംവിധാനം നടപ്പാക്കിയിരുന്നു. ഇതോടെ ഈ സംവിധാനം നടപ്പിലാക്കുന്ന ആദ്യത്തെ നഗരസഭയായി കോട്ടയം മാറി. നഗരസഭയുടെ പ്രധാന ഓഫീസായ കോട്ടയത്തും മേഖലാ ഓഫീസുകളായ കുമാരനല്ലൂര്, നാട്ടകം, തിരുവാതുക്കല് എന്നിവിടങ്ങളിലും കൂടാതെ ആരോഗ്യ വിഭാഗത്തിന്റെ കഞ്ഞിക്കുഴി, കോട്ടയം മാര്ക്കറ്റ് എന്നീ ഓഫീസുകളിലും പഞ്ചിങ് സംവിധാനം നിലവില്വന്നുകഴിഞ്ഞു. ഇതോടെ എല്ലാ ആഫീസര്മാരും ജീവനക്കാരും കരാര് ജീവനക്കാരുടമക്കം 149 പേര് രാവിലെ 10ന് മുന്പായി ഓഫീസിലെത്തണം. 10നുശേഷം വരുന്നവര്ക്ക് 10 മിനിറ്റ് സാവകാശംകൂടി ലഭിക്കുമെങ്കിലും മൂന്നുപ്രാവശ്യം താമസിച്ചുവന്ന് പഞ്ച് ചെയ്യുേമ്പോള് ഒരുഅവധി നഷ്ടപ്പെടും.
ഈ സമ്പ്രദായത്തോട് ജീവനക്കാരുടെ ഭാഗത്തുനിന്ന് ആദ്യമൊക്കെ എതിര്പ്പ് ഉയര്ന്നുവെങ്കിലും പിന്നീട് ചര്ച്ചകളിലൂടെ പ്രശ്നം പരിഹരിക്കുകയായിരുന്നു. താല്ക്കാലിക ജീവനക്കാരെ ഈ സംവിധാനത്തില്നിന്ന് ഒഴിവാക്കിയിട്ടുണ്ട്.
നിരീക്ഷണ ക്യാമറവരുന്നതോടെ മേലുദ്യോഗസ്ഥര്ക്കും ചെയര്പേഴ്സനും സെക്രട്ടരിക്കും ആഫീസിലെ നീക്കങ്ങള് ഇവ പരിശോധിക്കുവാനും കഴിയം. ലോകബാങ്ക് പണ്ട് ഉപയോഗിച്ച് നഗരസഭയില് നടപ്പാക്കുന്ന നവീകരണപ്രവര്ത്തനങ്ങളുടെ ഭാഗമായാണ് പഞ്ചിങ് സമ്പ്രദായവും ഏര്പ്പെടുത്തിയത്. വിവിധ വിഭാഗങ്ങളുടെ ഓഫീസുകള് കാബിന് തിരിച്ച് നേരത്തെതന്നെ നവീകരിച്ചിരുന്നു. ഇതിനു പുറമെ നിരീക്ഷണ കാമറകൂടി സ്ഥാപിക്കുന്നതോടെ ഭരണസംവിധാനത്തില് അഴിമതിയും കെടുകാര്യസ്ഥതയും കുറയ്ക്കുവാന് കഴിയുമെന്നും കരുതുന്നു.
