തൃശൂര്: തൃശൂര് തെക്കേമഠം നല്കുന്ന ആചാര്യ രത്ന പുരസ്കാരത്തിന് വേദ പണ്ഡിതനായ പഴയത്ത് ജാതവേദന് നമ്പൂതിരിയേയും (കോഴിക്കോട്), സംസ്കൃത പണ്ഡിതന് പ്രൊഫ. വൈദ്യലിംഗ ശര്മ്മയേയും (തൃശൂര്) തിരഞ്ഞെടുത്തതായി ഭാരവാഹികള് വാര്ത്താസമ്മേളനത്തില് അറിയിച്ചു. 10, 001 രൂപയും ഫലകവും പ്രശസ്തി പത്രവും പൊന്നാടയും അടങ്ങുന്നതാണ് പുരസ്കാരം.
30 ന് വൈകീട്ട് 4 ന് ശ്രീ ശങ്കര ജയന്തി ആഘോഷത്തോടനുബന്ധിച്ച് തെക്കേമഠം സരസ്വതി മണ്ഡപത്തില് നടക്കുന്ന ചടങ്ങില് പുരസ്കാരങ്ങള് മലയാളം സര്വകലാശാല വൈസ് ചാന്സലര് കെ ജയകുമാര് വിതരണം ചെയ്യും. മൂപ്പില്സ്വാമിയാര് വാസുദേവാനന്ദ ബ്രഹ്മാനന്ദഭൂതി അധ്യക്ഷത വഹിക്കും. വാര്ത്താസമ്മേളനത്തില് പ്രഫ. എം മാധവന്കുട്ടി, അഡ്വ. പി പരമേശ്വരന്, പി.എന് ഗോപാലകൃഷ്ണപിള്ള, വടക്കുമ്പാട് നാരായണന്, ഡോ. മുരളി മാധവന് എന്നിവര് പങ്കെടുത്തു.
