ഇരിട്ടി: ഇരിട്ടിയില് കിണറ്റില് കൊല്ലപെട്ട നിലയില് കണ്ടെത്തിയ നാടോടി യുവതി ശോഭയുടെ കൊലപാതകത്തിന് ദൃക്സാക്ഷിയായ മൂത്ത മകന് ആറ് വയസുകാരന് ആര്യന് കോടതിയില് രഹസ്യസാക്ഷ്യമൊഴി നല്കി. സിആര്പിസി 164 പ്രകാരം തലശേരി സിജെഎം കോടതിയില് കോടതി നിയോഗിച്ച ദ്വിഭാഷിയുടെ സഹായത്തോടെയാണ് മൊഴി രേഖപെടുത്തിയത്. ഇതോടെ കൊലപാതകവുമായി ബന്ധപ്പെട്ട നിര്ണായക തെളിവാണ് അന്വേഷണ സംഘത്തിന് ലഭിച്ചത്.
കേസ് കോടതിയില് തെളിയിക്കാന് ഈ മൊഴി മാത്രം മതിയെന്നാണ് അന്വേഷണ സംഘം പറയുന്നത്. കേസന്വേഷിച്ചിരുന്ന പേരാവൂര് സിഐ ആയിരുന്ന പി. സുനില്കുമാറിന്റെ അപേക്ഷ പരിഗണിച്ചാണ് കോടതി സാക്ഷി മൊഴി രേഖപെടുത്തിയത്. കഴിഞ്ഞ ജനുവരി 15ന് പുലര്ച്ചെ തന്റെ മാതാവ് ശോഭയെ കാമുകനും, ശോഭയുടെ മാതൃസഹോദരി ഭര്ത്താവുമായ മഞ്ജനാഥ് കഴുത്ത് ഞെരിച്ച് കൊലെപെടുത്തുത് താന് കണ്ടുവെന്നും താനും സഹോദരി അമൃത(4)യും ഉറക്കത്തിലായിരുവെന്നും ബഹളം കേട്ട് ഉണര്ന്നപ്പോള് മാതാവ് ശോഭയെ കഴുത്ത് ഞെരിക്കുന്നതും, ബോധം നഷ്ടപെട്ടപ്പോള് പുറത്തേക്ക് മഞ്ജുനാഥ് നാടിടോടികള് താമസിച്ചിരുന്ന കൂടാരത്തിന് പുറത്തേക്ക് തന്റെ അമ്മയെ എടുത്ത് കൊണ്ടുപോകുന്നത് കണ്ടുവെന്നുമാണ് സുപ്രധാന മൊഴി. സംഭവം കണ്ട് നിലവിളിച്ച ആര്യനെ കരയണ്ടന്ന് പറഞ്ഞ് മഞ്ജുനാഥ് സമാധാനിപ്പിച്ചുവെന്നും ഉടന് തന്നെ ആര്യനെയും, ഉറങ്ങുകയായിരുന്ന അമൃതയെയും കൂട്ടി ഇയാള് ഇരിട്ടി ബസ് സ്റ്റാന്റിലേക്ക് പോയെന്നും അവിടെ നിന്ന് ചായയും പലഹാരവും വാങ്ങി നല്കിയാതും ആര്യന് മൊഴിനല്കി. തുടര്ന്ന് ആദ്യം മൈസൂരിലേക്കും പിന്നീട് ബംഗളരുവിലേക്കും പോയതായും ബംഗളരുവില് നിന്നും മൂബൈ ട്രയിനില് കയറ്റിയ കുട്ടികളെ ഒരു തുണിവിരിച്ച് ട്രയിനിന്റെ പ്ലാറ്റ് ഫോമില് കിടത്തിയെന്നും ട്രയിന് വിട്ടപ്പോള് താന് ഇപ്പോള് വരാം വരുന്നത് വരെ അവിടെ തന്നെ കിടക്കണമെന്ന് പറഞ്ഞ് മഞ്ജുനാഥ് ട്രയിനില് നിന്നും ചാടിയിറങ്ങി സ്ഥലം വിടുകയായിരുന്നുവെന്നാണ് ആര്യന്റെ മൊഴി.
സാഹചര്യതെളിവ് മാത്രമായിരുന്നു ഈ കേസില് ഉണ്ടായിരുന്നത്. ദൃക്സാക്ഷി മൊഴി കൂടി കിട്ടിയതോടെ കേസ് കോടതിയില് തെളിയിക്കാന് അന്വേഷണ സംഘത്തിന് കഴിയും. മുബൈയില് നിന്ന് കണ്ടെത്തി ഇരിട്ടിയിലെത്തിച്ച ആര്യനും അമൃതയും ശിശുക്ഷേമ സമതിയുടെ ഉത്തരവ് പ്രകാരം മലപ്പുറം പാണ്ടിക്കാടുള്ള പിതൃസഹോദരിയോടൊപ്പമാണ് കഴിയുന്നത്. പേരാവൂര് സിഐ സുനില്കുമാറിന് സ്ഥലം മാറ്റം ലഭിച്ചതിനെ തുടര്ന്ന് ഒന്നരമാസമായി ഇരിട്ടിയില് സിഐ കേസരയൊഴിഞ്ഞ് കിടക്കുന്നതിനാല് ഇനി കുറ്റപത്രം നല്കുന്നത് മട്ടന്നൂര് സിഐ ഷാജു ജോസഫായിരിക്കും. പേരാവൂരില് സിഐയായി എ.കുട്ടികൃഷ്ണന് ചുമതലയേറ്റെങ്കിലും സീനിയറായ മട്ടന്നൂര് സിഐക്കാണ് ഇരിട്ടി സര്ക്കിളിന്റെ ചുമതല ഡിവൈഎസ്പി പ്രജീഷ് തോട്ടത്തില് നല്കിയിരിക്കുന്നത്.
