ആലുവ: സീപോര്ട്ട് – എയര്പോര്ട്ട് റോഡ് രണ്ടാംഘട്ട വികസനത്തിന് 350 കോടി രൂപയുടെ പദ്ധതി. കളമശേരി എന്എഡി മുതല് മഹിളാലയം പാലം വരെ സ്ഥലം ഏറ്റെടുക്കുന്നതിനും റോഡ് നിര്മ്മാണത്തിനുമുള്ള പദ്ധതി റിപ്പോര്ട്ട് പൊതുമരാമത്ത് വകുപ്പ് തയ്യാറാക്കി. കേരള ഇന്ഫ്രാസ്ട്രക്ച്ചര് ഇന്വെസ്റ്റ് ഫണ്ട് ബോര്ഡിന് അടുത്ത ദിവസം റിപ്പോര്ട്ട് കൈമാറും.
മുന് സര്ക്കാരിന്റെ കാലത്ത് രണ്ടാംഘട്ടത്തിനായി 50 കോടി രൂപയാണ് അനുവദിച്ചിരുന്നത്. ഈ സാഹചര്യത്തില് കൂടുതല് തുകക്ക് സര്ക്കാര് അംഗീകാരം നല്കേണ്ടി വരും. സീപോര്ട്ട് -എയര്പോര്ട്ട് റോഡ് ചൊവ്വരതുരുത്ത് പാലം പൊതുമരാമത്ത് വകുപ്പ് മന്ത്രി ജി. സുധകാരന് ഉദ്ഘാടനം ചെയ്തു.
കളമശേരി എച്ച്എംടി കവല മുതല് എന്എഡി വരെയുള്ള 2.7 കിലോമീറ്റര് റോഡ് നിര്മ്മാണം നടക്കുന്നുണ്ട്. എന്എഡി മുതല് മഹിളാലയം വരെ അഞ്ച് കിലോ മീറ്ററും ചൊവ്വര മുതല് നെടുമ്പാശേരി വരെ നാല് കിലോമീറ്ററുമാണ് ഇനി നിര്മ്മിക്കാനുള്ളത്.
മഹിളാലയം മുതല് ചൊവ്വര വരെയുള്ള ഒരു കിലോമീറ്റര് ദൂരരത്തിനുള്ളിലാണ് രണ്ട് പാലങ്ങളുള്ളത്.
