തലശ്ശേരി: സിപിഎമ്മിന്റെ രാഷ്ട്രീയ അസഹിഷ്ണുത പരസ്യമായി പുറത്തുകാട്ടി മറ്റ് രാഷ്ട്രീയ പ്രസ്ഥാനങ്ങള്ക്ക് വിലക്കേര്പ്പെടുത്തി പ്രചാരണ ബോര്ഡുകള്. തലശ്ശേരി പെരുന്താറ്റിലാണ് സിപിഎം സംഘം ആര്എസ്എസ് നിരോധിത മേഖല എന്ന് ബോര്ഡുകള് സ്ഥാപിച്ചിരിക്കുന്നത്. പാനൂരില് ദുരൂഹസാഹചര്യത്തില് മരണപ്പെട്ട മാമന്വാസു എന്നയാളുടെ പേരിലാണ് ബോര്ഡുകള് പ്രത്യക്ഷപ്പെട്ടത്. രാഷ്ട്രീയ സ്വയംസേവക സംഘത്തിനും ബിജെപിക്കും സജീവ സ്വാധീനമുള്ള പ്രദേശമാണ് പെരുന്താറ്റില്. പൊതുവെ സമാധാനം നിലനില്ക്കുന്ന പെരുന്താറ്റില് പ്രദേശത്ത് ഭീതി പരത്തി സംഘര്ഷമുണ്ടാക്കാനുള്ള സിപിഎം നേതൃത്വത്തിന്റെ ബോധപൂര്വ്വമായ നീക്കത്തിന്റെ ഭാഗമായാണ് ബോര്ഡ് വെച്ചതെന്നാണ് നിഗമനം. പ്രദേശവാസികള് വിവരമറിയിച്ചതിനെ തുടര്ന്ന് പോലീസെത്തി ബോര്ഡുകള് എടുത്ത് മാറ്റി. സിപിഎമ്മിന് പ്രവര്ത്തനമുള്ള പ്രദേശങ്ങളില് മറ്റ് സംഘടനകളുടെ പ്രവര്ത്തനം തടസ്സപ്പെടുത്തുക എന്നത് പാര്ട്ടിയുടെ പ്രഖ്യാപിത നയമാണ്. ആര്എസ്എസിനെ മാത്രമല്ല സിപിഐ, കോണ്ഗ്രസ്സ്, ആര്എസ്പി, ലീഗ് തുടങ്ങിയ പ്രസ്ഥാനങ്ങളും സിപിഎമ്മിന്റെ അസഹിഷ്ണുതക്ക് ഇരയായിട്ടുണ്ട്. വര്ഷങ്ങളായി സിപിഎം നടപ്പാക്കി വരുന്ന അസഹിഷ്ണുത പരസ്യമായി പ്രചരിപ്പിക്കുന്നത് ഇടതു ഫാസിസ്റ്റു സംഘടനകളുടെ പ്രവര്ത്തന രീതിയാണ്. എന്നാല് ഹൈന്ദവ നവോത്ഥാന പ്രസ്ഥാനങ്ങള്ക്ക് മികച്ച പ്രവര്ത്തനമുള്ള പ്രദേശത്ത് ഇരുട്ടിന്റെ മറവില് ഫാസിസ്റ്റ് പ്രവണതയുള്ള ബോര്ഡുകള് സ്ഥാപിച്ചത് ജനങ്ങളില് കടുത്ത ആശങ്കയുണ്ടാക്കിയിട്ടുണ്ട്.
തലശ്ശേരി പെരുന്താറ്റില് സിപിഎം അസഹിഷ്ണുത: ഇതര രാഷ്ട്രീയ പ്രസ്ഥാനങ്ങളെ വിലക്കി സിപിഎമ്മിന്റെ പരസ്യ പ്രചാരണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.