കോഴിക്കോട്: സംസ്ഥാന സ്കൂള് കലോത്സവത്തിന്റെ ഉദ്ഘാടനദിവസം പത്ത് വേദികളിലായി മത്സരങ്ങള്ക്ക് തുടക്കം. മത്സരം ഏറെ വൈകിയും തുടര്ന്നപ്പോള് കലോത്സവ നഗരികള്ക്ക് ഉറക്കമില്ലാതായി.
ആറ് മണിക്ക് ആരംഭിക്കേണ്ട മോഹിനിയാട്ടം രാത്രി എട്ട് മണിക്കാണ് തുടങ്ങിയത്. ഉദ്ഘാടനത്തിന് ശേഷം മുഖ്യവേദിയായ മലബാര് ക്രിസ്ത്യന്കോളേജ് ഹൈസ്കൂള് ഗ്രൗണ്ടിലെ മോഹനം വേദിയില് ഹൈസ്കൂള് വിഭാഗം ആണ്കുട്ടികളുടെ മോഹിനിയാട്ട മത്സരമാണ് നടന്നത്. സാമൂതിരി സ്കൂള് ഗ്രൗണ്ടിലെ കാംബോജി വേദിയിലാണ്. ഹൈസ്കൂള് വിഭാഗം പെണ്കുട്ടികളുടെ കേരള നടനവും പ്രൊവിഡന്സ് ഹൈസ്കൂളിലെ ശ്രീരഞ്ജിനി ഓഡിറ്റോറിയത്തില് ഹയര്സെക്കണ്ടറി വിഭാഗത്തിലെ ആണ്കുട്ടികളുടെ കുച്ചുപ്പുടി മത്സരത്തിനും തുടക്കം കുറിച്ചു.
സാമൂതിരി ഹയര്സെക്കണ്ടറി സ്കൂളിലെ ഭൈരവി വേദിയില് ഹയര്സെക്കണ്ടറി വിഭാഗത്തിലെ മൂകാഭിനയവും സെന്റ്ജോസഫ് ബോയ്സിലെ ഹിന്ദോളം വേദിയില് ഹയര്സെക്കണ്ടറി വിഭാഗം പഞ്ചവാദ്യവും അരങ്ങേറി. ടൗണ്ഹാളിലെ ശ്രീരാഗം വേദിയില് ഹൈസ്കൂള് വിഭാഗം നാടന്പാട്ടും സെന്റ്ജോസഫ് ഹൈസ്കൂളിലെ ഹംസധ്വനി വേദിയില് ഹൈസ്കൂള് വിഭാഗം ആണ്കുട്ടികളുടെ കഥകളിയും ഗുജറാത്തി ഹൈസ്കൂളിലെ മല്ഹാര് വേദിയില് വട്ടപ്പാട്ടുമത്സരത്തിനും തുടക്കമിട്ടു.
എസ്.കെ.പൊറ്റക്കാട് ഹാളിലെ ആഭേരി വേദിയില് ഹൈസ്കൂള് വിഭാഗം ആണ്കുട്ടികളുടെയും പെണ്കുട്ടികളുടെയും ഗാനാലാപന മത്സരംനടന്നു. സെന്റ് ആന്റണീസ് സ്കൂളിലെ നീലാംബരി വേദിയിലാണ് ഹൈസ്കൂള് വിഭാഗത്തിലെ ലളിതഗാന മത്സരം നടന്നത്.
ഇന്നലെ നടന്ന ഘോഷയാത്രയില് ഏറ്റവും നല്ല നിശ്ചലദൃശ്യം അവതരിപ്പിച്ചതിന് കോഴിക്കോട് ആംഗ്ലോ ഇന്ത്യന് ഹയര്സെക്കണ്ടറി സ്കൂളും മലബാര് ക്രിസ്ത്യന്കോളജ് ഹയര്സെക്കണ്ടറി സ്കൂളും ഒന്നും രണ്ടും സ്ഥാനങ്ങള് നേടി. വൈവിധ്യമാര്ന്ന ഇനങ്ങള് അവതരിപ്പിച്ചതിന് മീഞ്ചന്ത ശ്രീരാമകൃഷ്ണമിഷന് ഹൈസ്കൂളും കോഴിക്കോട് പ്രോവിഡന്സ് ഹയര്സെക്കണ്ടറി സ്കൂളും ഒന്നുംരണ്ടും സ്ഥാനങ്ങള് നേടി.
ഇന്ന് 16 വേദികളിലായി മത്സരം കൊഴുക്കും. ഏറ്റവും വാശിയേറിയ മത്സര ഇനങ്ങളും ഭരതനാട്യം, കേരളനടനം, മോഹിനിയാട്ടം നാടകമത്സരങ്ങള്ക്ക് ഇന്ന് കലോത്സവ വേദികള് സാക്ഷിയാകും.
