അഡ്ലെയ്ഡ്: വീമ്പിളക്കിയ പാക്കിസ്ഥാന് ചുട്ട മറുപടി നല്കി ഇന്ത്യയ്ക്ക് ലോകകപ്പിലെ നാലാം മത്സരത്തില് ത്രസിപ്പിക്കുന്ന വിജയം. പാക്കിസ്ഥാനെതിരെ 76 റണ്സിന്റെ ആധികാരിക വിജയമാണ് ഇന്ത്യ സ്വന്തമാക്കിയത്.
മത്സരം തുടങ്ങുന്നതിന് മുമ്പ് എല്ലാ മത്സരങ്ങളില് നിന്നും വ്യത്യസ്ഥമായി ഇന്ത്യയെ തോല്പ്പിക്കുമെന്ന് വീമ്പിളക്കിയായിരുന്നു അഫ്രീദിയുള്പ്പടെയുള്ള മുന്നിര പാക്ക് താരങ്ങള് രംഗത്ത് വന്നിരുന്നത്. എന്നാല് ഇത്തവണയും വിജയം ഇന്ത്യയ്ക്കൊപ്പം നിന്നു.
വീരാട് കോഹ്ലിയുടെ(107) സെഞ്ച്വറി മികവിലാണ് ഇന്ത്യയുടെ വിജയം. കോഹ്ലി തന്നെയാണ് കളിയിലെ കേമന്.
സ്ക്കോര്- ഇന്ത്യ 50 ഓവറില് ഏഴ് വിക്കറ്റിന് 300
പാക്കിസ്ഥാന് 47.0 ഓവറില് 224
ടോസ് നേടി ബാറ്റിംഗ് തെരഞ്ഞെടുത്ത ഇന്ത്യ നിശ്ചിത 50 ഓവറില് ഏഴ് വിക്കറ്റ് നഷ്ടത്തില് 300 റണ്സ് അടിച്ചു കൂട്ടി.
രോഹിത്ത് ശര്മ്മയും ശിഖര് ധവാനുമാണ് ഓപ്പണിംഗ് ബാറ്റ്സ്മാന്മാരായി ഇറങ്ങിയത്. 15 റണ്സെടുത്ത് രോഹിത്ത് മടങ്ങിയെങ്കിലും ഒരറ്റത്ത് ധവാന്(73) നങ്കൂരമിടുകയായിരുന്നു.
ധവാനു കൂട്ടായി കോഹ്ലി കൂടി വന്നതോടെ സ്ക്കോറിംഗിന് വേഗത കൂടി. ധവാന് പുറത്തായതോടെ ക്രീസിലെത്തിയ റെയ്നയും(74) മോശമാക്കിയില്ല. പിന്നീട് വന്ന ധോംണിയുള്പ്പടെയുള്ളവര്ക്ക് അധികം തിളങ്ങനാകാത്തത് ഇന്ത്യയുടെ സ്ക്കോര് 300ല് ഒതുങ്ങാന് കാരണമായി.പാക്കിസ്ഥാന് വേണ്ടി സൊഹൈല് ഖാന് അഞ്ച് വിക്കറ്റ് സ്വന്തമാക്കി.
മറുപടി ബാറ്റിംഗിനിറങ്ങിയ പാക്കിസ്ഥാന്റെ തുടക്കം മോശമായിരുന്നു. തുടക്കത്തില് തന്നെ അവര്ക്ക് യൂനിസ് ഖാനെ(ആറ്) നഷ്ടമായി. മുഹമ്മദ് ഷമിക്കായിരുന്നു വിക്കറ്റ്. പിന്നീട് അഹമ്മദ് ഷഹസാദും(47) ഹരീസ് സൊഹൈലും(36) ചേര്ന്നാണ് പാക്കിസ്ഥാനെ കര കയറ്റിയത്.
പാക്ക് ക്യാപ്റ്റന് മിസ്ബാ ഉള് ഹഖും(76) മികച്ച സംഭാവന നല്കി. പിന്നീട് വന്നവര്ക്ക് ക്രീസില് അധിക നേരം ചിലവഴിക്കാനായില്ല. ഫലമോ ഇന്ത്യയ്ക്ക് മുമ്പില് 224 റണ്സില് പാക്കിസ്ഥാന് മുട്ടുമടക്കി. ഇന്ത്യയ്ക്കായി ഷമി നിര്ണ്ണായകമായ നാല് വിക്കറ്റുകള് സ്വന്തമാക്കി.
