ഡുനെഡിന്: ലോകകപ്പില് അഫ്ഗാനിസ്ഥാന് ആദ്യ വിജയം കരസ്ഥമാക്കി. ഇന്നലെ അത്യന്തം ആവേശകരമായ പോരാട്ടത്തില് സ്കോട്ട്ലന്റിനെ ഒരു വിക്കറ്റിന് കീഴടക്കിയാണ് അഫ്ഗാന് പോരാളികള് ലോകകപ്പിന്റെ ചരിത്രത്തില് ആദ്യ വിജയം സ്വന്തമാക്കിയത്. ആദ്യമായി ലോകകപ്പ് കളിക്കാനെത്തിയ അഫ്ഗാന് ടീം ആദ്യ മത്സരത്തില് ബംഗ്ലാദേശിനോടും രണ്ടാം കളിയില് ശ്രീലങ്കയോടും പരാജയപ്പെട്ടിരുന്നു.
ഇന്നലെ സ്കോട്ട്ലന്റ് ഉയര്ത്തിയ വിജയലക്ഷ്യമായ 211 റണ്സ് മുന്ന് പന്തുകളും ഒരു വിക്കറ്റും ശേഷിക്കെയാണ് അഫ്ഗാന് പോരാളികള് മറികടന്നത്. 96 റണ്സെടുത്ത സമിയുള്ള ഷെന്വാരിയുടെ പ്രകടനമാണ് അഫ്ഗാനെ ലോകകപ്പിലെ കന്നി വിജയത്തിലേക്ക് നയിച്ചത്. ഷെന്വാരിക്ക് പുറമെ ഓപ്പണര് ജാവേദ് അന്വര് 51 റണ്സും നേടി. ഷെന്വാരിയാണ് മാന ഓഫ് ദി മാച്ച്.
നേരത്തെ ടോസ് നേടിയ അഫ്ഗാന് ക്യാപ്റ്റന് മുഹമ്മദ് നബി സ്കോട്ട്ലന്റിനെ ബാറ്റിംഗിനയച്ചു. എന്നാല് ക്യാപ്റ്റന്റെ തീരുമാനത്തെ ന്യായീകരിക്കുന്ന വിധത്തില് പന്തെറിഞ്ഞ അഫ്ഗാന് ബൗളര്മാര് സ്കോര്ബോര്ഡില് 95 റണ്സായപ്പോഴേക്കും അഞ്ച് വിക്കറ്റുകള് വീഴ്ത്തി. എങ്കിലും വീരോചിതമായി പൊരുതിയ സ്കോട്ട്ലന്റ് ലോകകപ്പിന്റെ ചരിത്രത്തിലാദ്യമായി 200 റണ്സിലധികം നേടുകയും ചെയ്തു. മധ്യനിരയുടെ ചെറുത്തുനില്പ്പാണ് അവരുടെ സ്കോര് 200 കടത്തിവിട്ടത്.
28 പന്തില് നിന്ന് 31 റണ്ണെടുത്ത മാറ്റ് മാച്ചനും 51 പന്തില് നിന്ന് 31 റണ്ണെടുത്ത മജിദ് ഹഖുമാണ് ടോപ്സ്കോറര്മാര്. റിച്ചി ബെറിങ്ടണ് 46 പന്തില് നിന്ന് 25 റണ്സും മോംസെന് 36 പന്തില് നിന്ന് 23 റണ്സും വാലറ്റക്കാരന് ഇവാന്സ് 37 പന്തില് നിന്ന് 28 റണ്സും നേടിയതോടെയാണ് സ്കോര് 200 കടന്നത്. ഒരു ഘട്ടത്തില് 36.4 ഓവറില് എട്ടിന് 144 എന്ന നിലയില് തകര്ന്ന സ്കോട്ട്ലന്റിനെ തീര്ത്തും അപ്രതീക്ഷിതമായ ഒരു കൂട്ടുകെട്ടാണ് കരകയറ്റിയത്. ഒമ്പതാം വിക്കറ്റില് ഹഖും ഇവാന്സും ചേര്ന്ന് നേടിയ 62 റണ്സാണ് സ്കോര് 200 കടത്തിവിട്ടത്. ഷപൂര് സദ്രാന്റെയും ദവ്ലത്ത് സദ്രാന്റെയും പേസ് ബൗളിംഗാണ് സ്കോട്ട്ലന്റ് ബാറ്റിംഗ് നിരയെ തകര്ത്തെറിഞ്ഞത്. ഷപൂര് 10 ഓവറില് 38 റണ്സ് വഴങ്ങി നാലും ദവ്ലത്ത് 29 റണ്സ് വഴങ്ങി മൂന്നുവിക്കറ്റുകളും പിഴുതു.
211 റണ്സിന്റെ വിജയലക്ഷ്യത്തെ പിന്തുടര്ന്ന അഫ്ഗാനിസ്ഥാന് വേണ്ടി ഒന്നാം വിക്കറ്റില് ഓപ്പണര്മാരായ ജാവേദ് അഹ്മ്മദിയും നവ്റോസ് മന്ഗലും ചേര്ന്ന് 42 റണ്സ് കൂട്ടിച്ചേര്ത്തു. എന്നാല് 7 റണ്സെടുത്ത നവ്റോസിനെ ഇവാന്സ് ബൗള്ഡാക്കിയതോടെ അഫ്ഗാന് തകര്ച്ചയും തുടങ്ങി. സ്കോര് 46-ല് എത്തിയപ്പോള് നാല് റണ്സെകുത്ത അസ്ഗര് സ്റ്റാനിക്സെ ഇവാന്സ് ക്രോസിന്റെ കൈകളിലെത്തിച്ചു.
പിന്നീട് ജാവേദ് അഹ്മ്മദിയും സമിയുള്ള ഷെന്വാരിയും ചേര്ന്ന് രക്ഷാപ്രവര്ത്തനം നടത്തിയെങ്കിലും സ്കോര്ബോര്ഡില് 85 റണ്സായപ്പോള് ഈ കൂട്ടുകെട്ടും പൊളിഞ്ഞു. 51 പന്തുകളില് നിന്ന് 51 റണ്സെടുത്ത ജാവേദ് അഹ്മ്മദിയാണ് ബെറിങ്ടണിന്റെ പന്തില് മച്ചാന് ക്യാച്ച് നല്കി മടങ്ങിയത്. പിന്നീട് അഫ്ഗാനിസ്ഥാന് ബാറ്റിംഗ് നിരയുടെ കൂട്ടത്തകര്ച്ചക്കാണ് വഴിയൊരുങ്ങിയത്. 12 റണ്സെടുക്കുന്നതിനിടെ നാല് വിക്കറ്റുകളാണ് അവര്ക്ക് നഷ്ടമായത്. ഇതോടെ അവര് 7ന് 97 എന്ന നിലയിലേക്ക് കൂപ്പുകുത്തി. എന്നാല് ഈ തകര്ച്ചക്കിടയിലും ഒരറ്റത്ത് ഉറച്ചുനിന്ന് ഷെന്വാരി പൊരുതി. പിന്നീട് സ്കോര് 132-ല് എത്തിയപ്പോള് എട്ടാം വിക്കറ്റും അവര്ക്ക് നഷ്ടമായി. ഒമ്പതാം വിക്കറ്റില് ഷെന്വാരിയും ഹമിദ് ഹസ്സനും ചേര്ന്ന് സ്കോര് 192-ല് എത്തിച്ചു.
ഹഖ് എറിഞ്ഞ 47-ാം ഓവറില് മൂന്ന് സിക്സര് പറത്തിയാണ് ഷെന്വാരി കളി അഫ്ഗാന്റെ വരുതിയിലാക്കിയത്. എന്നാല് 147 പന്തില് നിന്ന് 7 ഫോറും അഞ്ച് സിക്സറുമടക്കം 96 റണ്സെടുത്ത ഷെന്വാരിയെ ഹഖ് ഡാവിയുടെ കൈകളിലെത്തിച്ചതോടെ സ്കോട്ട്ലന്റ് വീണ്ടും വിജയപ്രതീക്ഷ പുലര്ത്തി.
എന്നാല് സ്കോട്ട്ലന്റ് സ്വപ്നങ്ങളെ കാറ്റില്പ്പറത്തി ഹമിദ് ഹസ്സനും (15 നോട്ടൗട്ട്) ഷപൂര് സദ്രാനും (12 നോട്ടൗട്ട്) ചേര്ന്ന് മൂന്നുപന്തുകള് ബാക്കിനില്ക്കേ അഫ്ഗാനിസ്ഥാനെ ചരിത്രവിജയത്തിലേക്ക് നയിക്കുകയായിരുന്നു. സ്കോട്ട്ലന്റിന് വേണ്ടി ബെറിങ്ടണ് 10 ഓവറില് 40 റണ്സ് വിട്ടുകൊടുത്ത് നാല് വിക്കറ്റുകള് വീഴ്ത്തി. ഡാവെയും ഇവാന്സും രണ്ട് വിക്കറ്റുകള് വീതവും വീഴ്ത്തി.
