ഹരിപ്പാട്: താലൂക്കാശുപത്രി മോര്ച്ചറിയിലെ ഫ്രീസര് തകരാറിലായി. സ്വകാര്യ മോര്ച്ചറികള്ക്ക് കൊള്ളലാഭം. താലൂക്കാശുപത്രിയില് നാല് മൃതദേഹം സൂക്ഷിക്കാവുന്ന ഫ്രീസര് സംവിധാനമാണ് കഴിഞ്ഞ ഒരുമാസമായി തകരാറിലായത്. ഇതിന്റെ ഒരു ഇലക്ട്രോണിക് യന്ത്രം കേടായതാണ് നാല് യൂണിറ്റും പ്രവര്ത്തനരഹിതമാകാന് കാരണം. ആശുപത്രി അധികൃതര് തകരാറിലായ വിവരം ബന്ധപ്പെട്ടവരെ അറിയിച്ചുവെങ്കിലും ഇത് നന്നാക്കാന് ഇതുവരെയും കഴിഞ്ഞിട്ടില്ല. കഴിഞ്ഞ ദിവസം നിരവധി മൃതദേഹങ്ങളാണ് ആശുപത്രിയില് സൂക്ഷിക്കാന് കൊണ്ടുവന്നത്. എന്നാല് ഇത് മറ്റ് സ്വകാര്യ മോര്ച്ചറികളിലേക്ക് പറഞ്ഞുവിടുകയായിരുന്നു.
താലൂക്കാശുപത്രി വാങ്ങുന്നതിനേക്കാള് ഇരട്ടി വാടകയാണ് സ്വകാര്യ മോര്ച്ചറികള് ഈടാക്കുന്നത്. ഹരിപ്പാട് ആശുപത്രിയിലെ ഓരോ മെഷീനുകളും പ്രവര്ത്തന രഹിതമായിക്കൊണ്ടിരിക്കുകയാണ്. ആശുപത്രിയിലെ ജനറേറ്റര് ഇന്ധനമില്ലാത്തതുകാരണം പ്രവര്ത്തിക്കാന് കഴിയുന്നില്ല. വൈദ്യുതി മുടങ്ങിയാല് രോഗികള് ഇരുട്ടില്തപ്പുകയാണ്. അറ്റകുറ്റപ്പണികള് പൂര്ത്തീകരിച്ച് അടച്ചിട്ടിരിക്കുന്ന മെഡിക്കല് വാര്ഡിലേക്ക് രോഗികളെ മാറ്റാന് ഇതുവരെയും ബന്ധപ്പെട്ടവര് തയ്യാറായിട്ടില്ല.
