പിലാത്തറ: കല്യാശ്ശേരി നിയോജക മണ്ഡലത്തില് സമ്പൂര്ണ്ണ വൈദ്യുതീകരണം പൂര്ത്തിയായതായി അധികൃതര് പത്രസമ്മേളനത്തില് അറിയിച്ചു. മണ്ഡലത്തില് ഉള്പ്പെട്ട ചെറുതാഴം, കുഞ്ഞിമംഗലം, ‘മാടായി, ഏഴോം.കല്യാശ്ശേരി, കടന്നപ്പള്ളി പാണപ്പുഴ, മാട്ടൂല്, പട്ടുവം, ചെറുകുന്ന്, കണ്ണപുരം പഞ്ചായത്തുകളിലായി 14, 762 കിലോമീറ്റര് ലൈന് വലിച്ച് 516 ഗുണഭോക്താക്കള്ക്ക് വൈദുതി എത്തിച്ചാണ് സമ്പൂര്ണ്ണ വൈദ്യുതീകരണം പദ്ധതി നടപ്പാക്കിയത്. സാമ്പത്തിക പിന്നോക്കാവസ്ഥയിലുള്ള 40 കുടുംബങ്ങള്ക്ക് വീട് സൗജന്യമായി വയറിംഗ് നടത്തി കൊടുത്താണ് വൈദ്യുതി എത്തിച്ചത്. ഇതില് വൈദ്യുതി ജീവനക്കാരുടെ വിവിധ യൂണിയനുകള്, വയര്മെന്മാര്, സര്വ്വീസ് ബേങ്കുകള് തുടങ്ങി നിരവധി സാമൂഹ്യസന്നദ്ധ സംഘടനകളും യൂണിയനുകളും പങ്കാളികളായി. മണ്ഡലം സമ്പൂര്ണ്ണ വൈദ്യുതീകരണം എന്ന ലക്ഷ്യം കൈവരിച്ചതിന്റെ പ്രഖ്യാപനം 28ന് പിലാത്തറയില് നടക്കും. രണ്ട് മണിക്ക് നടക്കുന്ന ചടങ്ങില് മന്ത്രി എം.എം.മണി കല്യാശ്ശേരി, തളിപ്പറമ്പ് മണ്ഡല ങ്ങള് സമ്പൂര്ണ്ണ വൈദ്യുതികരണം പൂര്ത്തിയാക്കിയതായി പ്രഖ്യാപിക്കും.
പത്രസമ്മേളനത്തില് ചെറുതാഴം പഞ്ചായത്ത് പ്രസിഡന്റ് പി.പ്രഭാവതി, വൈസ്.പ്രസിഡന്റ് പി.കുഞ്ഞിക്കണ്ണന്, ബ്ലോക്ക് പഞ്ചായത്തംഗം ടി.വി.ഉണ്ണിക്കഷ്ണന് ,അസി.എക്സിക്യൂട്ടീവ് എഞ്ചിനീയര് കെ.എന്.പദ്മനാഭന് ,അസി.എഞ്ചിനീയര് പി.വി.സുധീഷ് ,ടോമി ജോസഫ്, സുനില് കൃപ എന്നിവര് പങ്കെടുത്തു.
