തളിപ്പറമ്പ്: ഷര്ട്ട് ഇന് ചെയ്ത് ധരിക്കാത്തിന് ഒന്നാം വര്ഷ എഞ്ചിനീയറിംഗ് വിദ്യാര്ത്ഥിയെ മര്ദ്ദിച്ച കേസില് പതിനഞ്ചോളം സീനിയര് വിദ്യാര്ത്ഥികള്ക്കെതിരെ പരിയാരം പോലീസ് കേസെടുത്തു. കഴിഞ്ഞ 15 നായിരുന്നു സംഭവം നടന്നത്. കൈതപ്രം തൃക്കുറ്റ്യേരിയില് പ്രവര്ത്തിക്കുന്ന പയ്യന്നൂര് കോളജ് ഓഫ് എഞ്ചിനീയറിംഗ് ആന്റ് ടെക്നോളജിയിലെ ഒന്നാം വര്ഷ വിദ്യാര്ത്ഥി കൂട്ടുംമുഖത്തെ കുറ്റിക്കല് ഹൗസില് കിരണ് ടോമിനാണ് മര്ദ്ദനമേറ്റത്. ഇന് ചെയ്ത് വരാത്തതിനാല് സീനിയര് വിദ്യാര്ത്ഥികള് കിരണിനെ നിരവധി തവണ ഭീഷണിപ്പെടുത്തിയിരുന്നുവത്രേ. അസുഖമായതിനാല് ബെല്റ്റ് ഉപയോഗിക്കാനാവില്ലെന്ന് നേരത്തെ വിദ്യാര്ത്ഥിയും രക്ഷിതാക്കളും കോളജ് അധികൃതരെ അറിയിച്ച് സമ്മതം വാങ്ങിയിരുന്നു. ഇക്കാര്യം ബോധ്യപ്പെടുത്തിയിട്ടും സീനിയര് വിദ്യാര്ത്ഥികള് ക്ലാസ് കഴിഞ്ഞ് മടങ്ങവെ സംഘം ചേര്ന്ന് മര്ദ്ദിച്ചതായാണ് പരാതി. റാഗിങ്ങ് നിയമപ്രകാരം കേസെടുക്കണമെന്നായിരുന്നു രക്ഷിതാക്കള് പരാതിയില് ആവശ്യപ്പെട്ടിരുന്നത്. വിവിധ തലങ്ങളില് നടന്ന സമവായ ചര്ച്ചകളെത്തുടര്ന്ന് ഷബീബ്, മുഹമ്മദ്, ധീരജ്, മിഥുന്, ജാസിര്, അമല് എന്നിവരുള്പ്പെടെ കണ്ടാലറിയാവുന്ന 15 പേര്ക്കെതിരെ മര്ദ്ദനത്തിന് പോലീസ് കേസടുത്തു.
ഷര്ട്ട് ഇന് ചെയ്യാത്തിന് എഞ്ചിനീയറിംഗ് വിദ്യാര്ത്ഥിയെ മര്ദ്ദിച്ച കേസ്: പതിനഞ്ചോളം സീനിയര് വിദ്യാര്ത്ഥികള്ക്കെതിരെ കേസെടുത്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.