കണ്ണൂര്: നാഷണല് ചൈല്ഡ് ഡെവലപ്പ്മെന്റ് കൗണ്സില് കേരള റീജിയണിന്റെ ആഭിമുഖ്യത്തില് സംഘടിപ്പിക്കുന്ന ദിദ്വിന സൗജന്യ അഡ്വാന്സ്ഡ് മെഡിറ്റേഷന് പരിശീലനം 25, 26 തിയതികളില് ശിക്ഷക് സദന് ഹാളില് നടക്കും. ചടങ്ങില് സാമൂഹ്യ സേവനരംഗത്ത് പ്രവര്ത്തിക്കുന്നവരെ ആദരിക്കും. രാവിലെ 9ന് നടക്കുന്ന ചടങ്ങില് മേയര് ഇ.പി. ലത ഉദ്ഘാടനം ചെയ്യും. കേരള ഫോക്ലോര് അക്കാഡമി ചെയര്മാന് സി.ജെ. കുട്ടപ്പന് അധ്യക്ഷത വഹിക്കും. സാമൂഹ്യ രംഗത്ത് പ്രവര്ത്തിക്കുന്ന ടി.കെ.സി. അഹമ്മദ്, യോഗാചാര്യന് പ്രഭാകരന് മാസ്റ്റര്, ലിംക ബുക്ക് റെക്കോര്ഡ് ജേതാവ് ഹരിമോഹനന് കരിവള്ളൂര്, പരിസ്ഥിതി പ്രര്ത്തകന് രാജന് വേങ്ങാട്, ഗിന്നസ് ബുക്ക് ജേതാവ് പ്രിജേഷ് കണ്ണന്, ഹെല്ത്ത് മോട്ടിവേറ്റര് ഷുക്കൂര് കാഞ്ഞങ്ങാട്, യുവ സംരംഭകന് രജീഷ് പൂച്ചാലി, മജീഷ്യന് പ്രശാന്ത് വേങ്ങാട് എന്നിവരെ ചടങ്ങില് പുസ്കാരം നല്കി ആദരിക്കും.
ഒരു ലോകം ഒരു ഭാഷ പ്രസ്ഥാനത്തിന്റെ സ്ഥാപകന് ബാബ അലക്സാണ്ടര്(ന്യൂഡല്ഹി) ആണ് പരിശീലനത്തിന് നേതൃത്വം വഹിക്കുന്നത്. വൈകീട്ട് അഞ്ച് വരെയാണ് പരിശീലനം.
മനോനിയന്ത്രണത്തിനുള്ള വിദ്യകള്, വിവിധ പ്രാണായാമങ്ങള്, വിവിധ മെഡിറ്റേഷനുകള് തുടങ്ങിയ വിഷയങ്ങളില് അഡ്വാന്സ്ഡ് തിയറി, പ്രായോഗിക പരിശീലനമുണ്ടാകും. 16 വയസിന് മുകളിലുള്ളവര്ക്കാണ് പ്രവേശനം. മുന്കൂട്ടി രജിസ്റ്റര് ചെയ്യാത്തവര്ക്കും പ്രവേശനമുണ്ടാകും. കൂടുതല് വിവരങ്ങള്ക്ക് ഫോ.9510881166.
