സത്രവേദിയില്‍ ഇന്ന് ഗുരുസ്വാമി സംഗമം

കോഴഞ്ചേരി:അയ്യപ്പമഹാസത്രത്തില്‍ ഇന്ന് ഗുരുസ്വാമി സംഗമം നടക്കും. ഉച്ചക്ക് 3 ന് നടക്കുന്ന ഗുരുസ്വാമി സംഗമം ഹൈക്കോടതി ജഡ്ജി ജസ്റ്റിസ് പി ഡി രാജന്‍ ഉദ്ഘാടനം ചെയ്യും. തിരുവിതാംകൂര്‍ ദേവസ്വം ബോര്‍ഡ് മെമ്പര്‍ അജയ് തറയില്‍ അധ്യക്ഷത വഹിക്കുന്ന യോഗത്തില്‍ അമൃതാനന്ദമയി മഠം ജനറല്‍ സെക്രട്ടറി പൂര്‍ണ്ണാമൃതാനന്ദപുരി സ്വാമി, എ. ഗോപാലകൃഷ്ണന്‍, എന്നിവര്‍ പ്രസംഗിക്കും. രാവിലെ 11 ന് ശനീശ്വര പൂജയും, അയ്യപ്പസഹസ്രനാമവും നടക്കും. ഉച്ചക്ക് പ്രിയങ്കകൃഷ്ണന്റെ സംഗീതാര്‍ച്ചനയും ഉണ്ടായിരിക്കും. വൈകിട്ട് 6 ന് അപ്പം മൂടല്‍, 6.30 ന് ദീപാരാധന, 7 ന് പുഷ്പാഭിഷേകം, 8 ന് അത്താഴ സദ്യ, 11 ന് ഭസ്മാഭിഷേകം, ഹരിവരാസനം എന്നിവ നടക്കും. അയ്യപ്പമഹാസത്രവേദിയില്‍ ഇന്ന് രാത്രി 8.30 ന് തൃശൂര്‍ മുളങ്കുന്നത്തുകാവ് തീയാടി രാമന്‍ നമ്പ്യാരും സംഘവും അവതരിപ്പിക്കുന്ന അയ്യപ്പന്‍ തീയാട്ടും പന്തീരായിരത്തിയെട്ടും നടക്കും.