ഏറ്റുമാനുര്: ജനകീയ പ്രക്ഷോഭത്തെ തുടര്ന്ന് അടച്ചുപൂട്ടിയ ഏറ്റുമാനൂര് നേതാജി നഗറിലുള്ള കണ്സ്യൂമര് ഫെഡിന്റെ മദ്യവില്പനശാല പോലീസിന്റെ സഹായത്തോടെ വീണ്ടും തുറന്നു. കടയ്ക്ക് മൂന്നില് നാട്ടുകാര് പ്രതിഷേധവുമായി രംഗത്തെത്തിയെങ്കിലും പോലീസ് ഇവരെ അറസ്റ്റ് ചെയ്ത് നീക്കി. ഇന്നലെ വൈകിട്ട് നാലുമണിയോടെയാണ് വീണ്ടും കടതുറന്നത്. ആറുമണിയോടെ സ്ത്രീകളടക്കംനൂറുകണക്കിന് ജനങ്ങള് കടയ്ക്ക്മുന്നില് തടിച്ചുകൂടി വില്പന തടസ്സപ്പെടുത്തി.
ബിജെപി ഏറ്റുമാനൂര് നിയോജകമണ്ഡലം സെക്രട്ട റി അനീഷ് വി നാഥിന്റെ നേ തൃത്വത്തില് സമരം ശക്തമാക്കിയതോടെയാണ് പോലീസ് സമരക്കാരെ അറസ്റ്റ് ചെയ്തത്.നഗരസഭയുടെ ലൈസന്സ് ഇല്ലെന്ന കാരണം പറഞ്ഞാണ് ബുധനാഴ്ച വില്പനശാല പോലീസ് അടപ്പിച്ചത്. എന്നാല് പോലീസിന്റെ സഹായത്തോടെയാണ് വില്പനശാല ഇന്നലെ വീണ്ടും തുറന്നത്. പോലീസിന് മേലുള്ള സമ്മര്ദ്ദമാണ് ഇത്തരത്തില് പ്രവര്ത്തിക്കാന് പോലീസിനെ പ്രേരിപ്പിച്ചതെന്നാണ് ആരോപണം.
