കണ്ണൂര്: കണ്ണൂര് പ്രസ് ക്ലബ് ഫിലിം സൊസൈറ്റി, ഫെഡറേഷന് ഓഫ് ഫിലിം സൊസൈറ്റി ഓഫ് ഇന്ഡ്യ, ഇന്ഫര്മേഷന് ആന്റ് പബ്ലിക് റിലേഷന്സ് വകുപ്പ്, ജില്ലാ ലൈബ്രറി കൗണ്സില്, ജില്ലാ ടൂറിസം പ്രമോഷന് കൗണ്സില് എന്നിവയുടെ സംയുക്താഭിമുഖ്യത്തില് നടത്തുന്ന ഏഴാമത് കണ്ണൂര് അന്താരാഷ്ട്ര ചലച്ചിത്രോത്സവം നാളെ കണ്ണൂരില് ആരംഭിക്കുമെന്ന് സംഘാടകസമിതി ഭാരവാഹികള് വാര്ത്താ സമ്മേളനത്തില് പറഞ്ഞു. 23 ന് വൈകുന്നേരം 5 മണിക്ക് പ്രശസ്ത സിനിമാ നിരൂപകന് വിജയകൃഷ്ണന് ടൗണ് സ്ക്വയറില് നടക്കുന്ന ചടങ്ങില് പരിപാടി ഉദ്ഘാടനം ചെയ്യും. പ്രസ് ക്ലബ്ബ് ഫിലിം സൊസൈറ്റി പ്രസിഡണ്ട് പി.പി.സതീഷ് കുമാര് അധ്യക്ഷത വഹിക്കും. വിധുവിന്സന്റ് മുഖ്യാതിഥിയായി പങ്കെടുക്കും. ജില്ലാ കലക്ടര് മീര് മുഹമ്മദലി ഉപഹാര സമര്പ്പണം നടത്തും. ചെലവൂര് വേണു, ജില്ലാ ഇന്ഫര്മേഷന് ഓഫീസര് ഇ.കെ.പത്മനാഭന്, കെ.ടി.ശശി തുടങ്ങിയവര് സംസാരിക്കും. വൈകുന്നേരം 6.30 ന് മാന്ഹോള് എന്ന മലയാള ചലച്ചിത്രം പ്രദര്ശിപ്പിക്കും. 24 ന് വൈകുന്നേരം 5 മണിക്ക് നവതരംഗ മലയാള സിനിമയുടെ വര്ത്തമാനം എന്ന വിഷയത്തില് സംവാദം നടക്കും. ഷെരി, മനോജ് കാന, കെ.ജെ.സിജു എന്നിവര് സംബന്ധിക്കും. തുടര്ന്ന് ഐ ദാനിയല് ബ്ലൈയ്ക്ക് എന്ന സിനിമ പ്രദര്ശിപ്പിക്കും. 25 ന് സമാന്തര സിനിമയുടെ പുതുവഴികള് എന്ന വിഷയത്തില് സംവാദം നടക്കും. തുടര്ന്ന് ദി നെറ്റ് എന്ന സിനിമയുടെ പ്രദര്ശനം നടക്കും. 26 ന് വൈകുന്നേരം നടക്കുന്ന സമാപന സമ്മേളനം ബല്റാം മട്ടന്നൂര് ഉദ്ഘാടനം ചെയ്യും. കെ.ടി.ശശി അധ്യക്ഷത വഹിക്കും. തുടര്ന്ന് ദി പ്രസിഡന്റ് എന്ന സിനിമ പ്രദര്ശിപ്പിക്കും. ചലച്ചിത്രോത്സവത്തോടനുബന്ധിച്ച് എല്ലാ ദിവസവും രാവിലെ 10 മണിക്കും ഉച്ചക്ക് 2.30 നും സ്പോര്ട്സ് കൗണ്സില് ഹാളില് വിവിധ സിനിമകളും പ്രദര്ശിപ്പിക്കും.
ജില്ല സ്പോര്ട്സ് കൗണ്സില് ഹാളിലാണ് പകല് സമയങ്ങളിലെ പ്രദര്ശനം. ദിവസം, സിനിമ, സമയം എന്ന ക്രമത്തില്: 24: നീലക്കുയില് (മലയാളം, പി.ഭാസ്കരന്, രാമു കാര്യാട്ട്-10.00, സ്വയംവരം (മലയാളം അടൂര് ഗോപാലകൃഷ്ണന്)-2.30
25: വാസ്തുഹാര (മലയാളം, ജി.അരവിന്ദന്)-10.00, ദി അണ്നേമ്ഡ് (ബംഗ്ലാദേശ്, താഖിര് അഹമ്മദ്)-12.00, പിറവി (മലയാളം,ഷാജി എന്.കരുണ്)-2.30
26: ചെറിയാച്ചന്റെ ക്രൂരകൃത്യങ്ങള് (മലയാളം,ജോണ് അബ്രഹാം)-10.00, പാര്ച്ച്ഡ് (ഹിന്ദി ഫലീന യാദവ്)-12.00, ട്രാഫിക് (മലയാളം -രാജേഷ് പിള്ള) – 2.30
വാര്ത്താ സമ്മേളനത്തില് പ്രസ് ക്ലബ് പ്രസിഡണ്ട് കെ.ടി.ശശി, പ്രസ് ക്ലബ്ബ് ഫിലിം സൊസൈറ്റി സെക്രട്ടറി യു.പി.സന്തോഷ്, പ്രശാന്ത് പുത്തലത്ത്, ഷിജിത്ത് കാട്ടൂര് എന്നിവര് പങ്കെടുത്തു.
