വെള്ളനാട്: വെള്ളനാട് ഗ്രാമ പഞ്ചായത്തില് വിവിധ പദ്ധതി നിര്വ്വഹണത്തില് ക്രമക്കേടുകളുണ്ടെന്ന പരാതി അന്വേഷിച്ചെത്തിയ വകുപ്പ് മേധാവികളെ പ്രസിഡന്റ് തടഞ്ഞു, പ്രസിഡന്റ് തന്നിഷ്ടപ്രകാരം ഫണ്ടുകള് വിനിയോഗിക്കുന്നതായിയുള്ള പരാതി അന്വേഷിക്കാനെത്തിയ തദ്ദേശ സ്വയംഭരണ സ്ഥാപനങ്ങളുടെ പെര്ഫോമന്സ് ആഡിറ്റ് യൂണിറ്റിനെയാണ് പ്രസിഡന്റ് തടഞ്ഞത്.പഞ്ചയത്ത് ഡയറക്ട്രേറ്റില് നിന്നും പരിശോധനയ്ക്ക് അനുവദിക്കണമെന്ന് ഡ്യൂട്ടിയ്ക്കെത്തിയ ഉദ്യോഗസ്ഥര് പറഞ്ഞെങ്കിലും ഇത്കൂട്ടാക്കാന് പ്രസിഡന്റ് തയ്യാറായില്ല.തന്റെപേരില് പരാതിയുണ്ടെങ്കില് നേരത്തെ അന്വേഷണ വിവരം തന്നെ അറിയിക്കണമെന്നായിരുന്നു ഉദ്യോഗസ്ഥരോട് പ്രസിഡന്റ് വെള്ളനാട് ശശി ആവശ്യപ്പെട്ടത്.
ജനകീയാസൂത്രണത്തില് അഴിമതി നടക്കുന്നതായും പഞ്ചായത്ത് ലൈസന്സിലും നികുതി പിരിക്കുന്നതിലും അഴിമതിയുണ്ടെന്ന് കാണിച്ച് ബിജെപി പഞ്ചായത്തംഗങ്ങള് വിജിലന്സിന് പരാതിനല്കിയിരുന്നു. വിജിലന്സ് പരാതി ഡിപ്പാര്ട്ട്മെന്റ് തല അന്വേഷണത്തിന് പെര്ഫോമന്സ് ആഡിറ്റ് യൂണിറ്റിനെ നിയോഗിക്കുകയായിരുന്നു. ഇതനുസരിച്ചാണ് പഞ്ചായത്തില് ഉദ്യോഗസ്ഥര് അന്വേഷണത്തിനെത്തിയത്. 17ഓളം പരാതികള് വിജിലന്സിന് ലഭിച്ചിട്ടുണ്ടെന്നും ഓഡിറ്റിംഗ് വിഭാഗത്തിന് അന്വേഷണത്തിന് പഞ്ചായത്ത് അവസരമൊരുക്കണമെന്നും ഉദ്യോഗസ്ഥര് അറിയിച്ചു.അതേസമയം വെള്ളനാട് പഞ്ചായത്തില് പരിശോധനയ്ക്കെത്തിയ ഉദ്യോഗസ്ഥരെ പ്രസിഡന്റ് കയ്യേറ്റം ചെയ്യുകയും അസഭ്യം പറയുകയും ചെയ്തതായും അടിയന്തരമായി പഞ്ചായത്തിനെതിരേ ഉയര്ന്ന പരാതികള് അന്വേഷിച്ച് നടപടിസ്വീകരിക്കണമെന്നും ബിജെപി നേതാക്കള് ആവശ്യപ്പെട്ടു.
