ആലുവ: ഭര്ത്താവിന് തീവ്രവാദ ബന്ധമുണ്ടെന്ന ഭാര്യയുടെ പരാതിയെ തുടര്ന്ന് പോലീസ് അന്വേഷണം തുടങ്ങി. കാസര്കോട് സ്വദേശിനിയായ ഭാര്യ നല്കിയ പരാതിയില് യുപി മുസാഫിര്നഗര് സ്വദേശിയായ അഹലാദി (25)നെതിരെയാണ് പോലീസ് കേസെടുത്ത് അന്വേഷണം ആരംഭിച്ചത്. തുണിക്കച്ചവടവുമായി സംസ്ഥാനത്തിന്റെ വിവിധ ഭാഗങ്ങളില് തമ്പടിക്കുന്ന ഭര്ത്താവിന് അവിഹിത ബന്ധമുണ്ടെന്നും യുവതി ആരോപിച്ചു. കാസര്കോട് സ്വദേശിനിയായ സഫറുന്നീസയാണ് പരാതിക്കാരി.
ഭര്ത്താവിന്റെ അവിഹിത ബന്ധത്തെ കുറിച്ച് സൂചന ലഭിച്ചതിനെ തുടര്ന്ന് കഴിഞ്ഞ ദിവസം സഫറുന്നിസ ആലുവയിലെ ലോഡ്ജില് തങ്ങുകയായിരുന്ന അഹലാദുമായി കലഹത്തില് ഏര്പ്പെട്ടു. ഇത് സംബന്ധിച്ച് പൊലീസില് പരാതി നല്കുമെന്ന സൂചന ലഭിച്ചതോടെ ഇയാള് മുങ്ങിയെന്നും യുവതി പറഞ്ഞു. ഇയാള്ക്ക് തീവ്രവാദ സംഘടനകളുമായി ബന്ധമുണ്ടെന്ന് ഭാര്യ ആരോപിച്ചതിനെ തുടര്ന്നാണ് വിശദമായ അന്വേഷണം ആരംഭിച്ചത്.
ചുരിദാര് മെറ്റീരിയലുകള് വില്ക്കാന് അഹലാദ് കാസര്കോട് എത്തിയപ്പോഴാണ് യുവതിയെ പരിചയപ്പെട്ടത്. തുടര്ന്ന് യുവതിയുടെ വീട്ടുകാരുടെ സമ്മതത്തോടെയായിരുന്നു വിവാഹം. യുവതി തുടര്ന്നും കാസര്കോടാണ് താമസിച്ചത്. രാത്രിയില് ഇയാളുടെ പെരുമാറ്റങ്ങളില് സംശയം തോന്നി ചോദ്യം ചെയ്തപ്പോള് തന്നെ മര്ദ്ദിക്കുകയായിരുന്നു എന്നാണ് പരാതി. പരാതിയെ തുടര്ന്ന് കാസര്കോട് അടക്കം വിവിധ സ്ഥലങ്ങളില് പ്രതിക്കായി അന്വേഷണം ആരംഭിച്ചെന്ന് പ്രിന്സിപ്പള് എസ്ഐ ഇ.വി. കെഴ്സണ് പറഞ്ഞു.
