കോട്ടയം: എംജി യൂണിവേഴ്സിറ്റി ഗവേഷണ വിദ്യാര്ത്ഥിനി ദീപ പി മോഹനന് നേരിടേണ്ടിവന്നത് ഒറ്റപ്പെട്ട സംഭവമല്ലെന്നും കേസ് അട്ടിമറിച്ച പോലീസ് നടപടി അന്വേഷണ വിധേയമാക്കണമെന്നും ബിജെപി ജില്ലാപ്രസിഡന്റ് എന്. ഹരി ആവശ്യപ്പെട്ടു. ദീപയുടെ പരാതി ശരിവയ്ക്കുന്നതായിരുന്നു സിന്ഡിക്കേറ്റ് അന്വേഷണം. ഹൈക്കോടതിയുടെ മുന്പില് എത്തിയ രേഖകളും റിപ്പോര്ട്ടുകളുമാണ് കോടതി പരിഗണിച്ചത്. പോലീസ് ഹൈക്കോടതിയില് സമര്പ്പിച്ച രേഖകളും റിപ്പോര്ട്ടുകളും കേസ് അട്ടിമറിക്കുന്ന തരത്തിലുള്ളതാണ്. കോട്ടയം ജില്ലയില് നടക്കുന്ന രാഷ്്ട്രീയ അക്രമങ്ങളിലും പോലീസ് സ്വീകരിക്കുന്നത് ഇരകള്ക്ക് നീതി ലഭിക്കാതിരിക്കുന്ന തരത്തിലുള്ള സമീപനമാണ്. ഏതൊരു പോലീസ് മേധാവിക്ക് മുന്പിലും ഏത് സമയത്തും ഒരു വ്യക്തിക്ക് പരാതി ബോധിപ്പിക്കുവാന് അവസരമുണ്ടെന്നിരിക്കെ ദീപയ്ക്ക് നീതി നിഷേധിച്ച നടപടി ജനാധിപത്യ വിരുദ്ധവും ന്യായീകരിക്കാന് കഴിയാത്തതുമാണ്. അതുപോലെ മാന്നാനം കോളേജില് ആവിഷ്ക്കാര സ്വാതന്ത്ര്യത്തിന്റെ പേരില് പച്ചയായ മലയാള പദമാണെന്ന് പറഞ്ഞ് അത്യന്തം അശ്ലീല പോസ്റ്റര് പതിച്ച എസ്എഫ്ഐ നടപടി സമൂഹ മനസാക്ഷിയെ ഞെട്ടിക്കുന്നതാണ്. അതിന് അുകൂല നിലപാട് എടുത്ത അദ്ധ്യാപകര് തങ്ങളുടെ മക്കള്ക്കും ഭാര്യമാര്ക്കും അത് കാട്ടിക്കൊടുക്കുവാന് തയ്യാറാകണം. ജെഎന്യു പോലെ എല്ലാ കാമ്പസുകളും ആവണം എന്ന് പറയുന്നത് ഏത് അര്ത്ഥത്തിലാണെന്ന് വ്യക്തമാക്കണമെന്നും ബിജെപി ജില്ലാ പ്രസിഡന്റ് കൂട്ടിച്ചേര്ത്തു.
ദീപയുടേത് ഒറ്റപ്പെട്ട സംഭവമല്ല: ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.