തുറവൂര്: തിരമാലകളില്പ്പെട്ട് തൊഴിലുപകരണങ്ങള് നഷ്ടപ്പെടുന്നു. പള്ളിത്തോട് ചാപ്പക്കടവ് തീരങ്ങളിലാണ് സംരക്ഷണഭിത്തിയോ തിരകളുടെ ശക്തി കുറയ്ക്കാനുള്ള പുലിമുട്ടുകളോ സ്ഥാപിക്കാത്തതുകാരണം കൂറ്റന് തിരമാലകള് കരയിലേക്കിരച്ചു കയറി തൊഴിലുപകരണങ്ങള് നഷ്ടപ്പെട്ട് തൊഴിലാളികള് നെട്ടോട്ടമോടുന്നത്. ലക്ഷക്കണക്കിന് രൂപായുടെ നഷ്ടമുണ്ടായിട്ടുണ്ട്. ചാപ്പക്കടവില് തിരമാലകള് അടിച്ചു കയറുന്നതിന്റെ ഇരുവശങ്ങളിലുമായി അമ്പത് മീറ്റര് നീളത്തില് രണ്ട് പുലിമുട്ടുകള് സ്ഥാപിക്കണമെന്നാണ് തൊഴിലാളികളുടെ ആവശ്യം. എന്നാല് വര്ഷങ്ങള് പലതു കഴിഞ്ഞിട്ടും ഒരു മാറ്റവുമില്ലാതെ തിരമാലകള് അടിച്ചു കയറാതിരിക്കാന് മണല്ചാക്കുകള് കൊണ്ട് ഭിത്തി തീര്ക്കുകയാണ് മിക്കപ്പോഴും ചെയ്യുന്നത്. അതെല്ലാം തിരമാലകള് തകര്ത്തെറിയുന്നുണ്ട്. ഈ ഭാഗത്തെ കടല്ഭിത്തിക്ക് ഉയരം കുറയുന്നതും തിരമാലകള് അടിച്ചുകയറാന് കാരണമാകന്നു പല തവണ നാട്ടുകാര് അധികൃതരുടെ ശ്രദ്ധയില്പ്പെടുത്തിയെങ്കിലും അവയെല്ലാം ബധീര കര്ണ്ണങ്ങളില് പതിക്കുകയായിരുന്നു. വായ്പ്പയെടുത്തും സ്വര്ണ്ണം പണയംവെച്ചുതൊഴിലുപകരണങ്ങള് വാങ്ങിയപലരും ഇന്നും ദുരിതത്തിലാണ്. ഇനിയെങ്കിലും ഇതിനൊരു പരിഹാര മുണ്ടാക്കാന് ജനപ്രതിനിധികളും അധികൃതരും നടപടി സ്വീകരിക്കണമെന്നാവശ്യം ശക്തമാണ്.
പള്ളിത്തോട് തീരം സുരക്ഷിതമല്ല
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.