ചങ്ങനാശേരി: കെഎസ്ടിപി ചങ്ങനാശേരി കവലയില് നടത്തുന്ന റോഡുവികസനത്തില് ഗുരുതര പിഴവ്. കെഎസ്ആര്ടിസി ബസ്സ്റ്റാന്ഡിന് മുമ്പില് ഓടനിര്മ്മിക്കുന്നതില് ഗുരുതരമായ ക്രമക്കേട് നടക്കുന്നതായി വ്യാപക പരാതി. ചിലരുടെ താല്പര്യ സംരക്ഷണത്തിന് വേണ്ടി നിര്മാണത്തില് തകരാര് ഉള്ളതായി ധരിപ്പിച്ച് ചിലയിടങ്ങളില് ഓടയുടെ ഉയരം കൂട്ടുകയും കുറയ്ക്കുകയും ചെയ്തതാണ് പരാതിക്ക് ഇടയാക്കിയത്. വിവരം അറിഞ്ഞെത്തിയ ജനപ്രതിനിധികള് നിര്മ്മാണം തടഞ്ഞതോടെ പൊതുമരാമത്ത് അധികൃതര് രംഗത്തെത്തി. നഗരസഭാ കൗണ്സിലര്മാരായ എന്.പി. കൃഷ്ണകുമാര്, പി.എ. നസീര് എന്നിവരാണ് പ്രശ്നത്തില് ഇടപെട്ടത്. ഇവരുടെ പരാതിയെ തുടര്ന്ന് എക്സിക്യൂട്ടീവ് എജിനീയര് രാകേഷ് സ്ഥലത്തെത്തി. ഇത് ചിലരുടെ താല്പര്യ സംരക്ഷണത്തിനായാണ് ഓടയുടെ ഉയരം ചില ഭാഗങ്ങളില് ഉയര്ത്തിയതെന്നാണ് ആക്ഷേപം. ഇത് കാല്നടക്കാര്ക്കും വ്യാപാരികള്ക്കും ബുദ്ധിമുട്ട് ഉണ്ടാക്കുന്നതായി പരാതി ഉയര്ന്നു. തകരാര് പരിഹരിച്ചുമാത്രമേ നിര്മ്മാണം നടത്തുകയുള്ളൂവെന്ന് വ്യാപാരികള്ക്കും ജനപ്രതിനിധികള്ക്കും എന്ജിനീയര് ഉറപ്പുനല്കി. നഗരസഭാ ചെയര്മാന് സെബാസ്റ്റ്യന് മാത്യു മണമേലിന്റെ നേതൃത്വത്തില് വിളിച്ചുകൂട്ടിയ ചര്ച്ചയിലാണ് ഉദ്യോഗസ്ഥരുടെ ഉറപ്പ്. പെരുന്നയില് വാട്ടര് അതോറിറ്റി പമ്പ് ഹൗസിനു സമീപമുള്ള കലുങ്ക് നിര്മ്മാണത്തിലും റോഡിന്റെ വീതി കുറച്ച് ചിലരെ സഹായിക്കുന്ന നിലപാടെടുക്കുകയും ക്രമക്കേട് നടക്കുകയും ഉണ്ടായി. പൊതുജന സേവന ജാഗ്രതാ സമിതി ഇക്കാര്യങ്ങള് ചൂണ്ടിക്കാട്ടി എക്സിക്യൂട്ടീവ് എന്ജിനീയര്ക്ക് പരാതി നള്കിയിരുന്നു. യാതൊരു നടപടിയും എടുക്കാത്തതിനാല് പ്രത്യക്ഷ സമരപരിപാടികളുമായി മുന്നോട്ട് നീങ്ങുമെന്ന് പ്രസിഡന്റ് സുരേന്ദ്രനാഥ് ഐക്കര പറഞ്ഞു.
കെഎസ്ടിപി റോഡുവികസനത്തില് ഗുരുതര പിഴവ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.