പൂവാര്: തീരദേശ പ്രദേശമായ പൂവാറിലെ വളവുകള് ജനങ്ങളുടെ ജീവനു ഭീഷണിയാകുന്നു. പൊതുവേ തിരക്കുള്ള പൂവാറിലെ ജംഗ്ഷനില് നിന്നു കോവളത്തോട്ടു പോകുന്ന ബൈപാസ്സ് റോഡിലെ വളവാണ് ഒരുപാട് പേരുടെ ജീവന് കവര്ന്നിട്ടും അധികാരികള് വേണ്ട നടപടി സ്വീകരിക്കാതെ ഇപോഴും ഈ നിലയില് തുടരുന്നത്. മാസത്തില് പത്തിലധികം അപകടങ്ങളാണ് മുറത്തെറ്റാതെ നടക്കുന്നത്. ഇതില് കൂടുതലും സംഭവസ്ഥലത്തുവച്ചുള്ള മരണവുമാണ്. അപകടത്തില് വൈകല്യങ്ങള് സംഭവിച്ചതും ധാരാളമുണ്ട്.
കരമന കളിയിക്കാവിള റോഡിലെ ട്രാഫിക് ഒഴുവാക്കാന് ഐര്പോട്ടിലും, കൊല്ലത്തോട്ടും പോകുന്ന വാഹനങ്ങള് ഈ റോഡിനെയാണ് കൂടുതലും ആശ്രയിക്കുനത്ത്. കൂടാതെ കോവളത്ത് നിന്നും കന്യാകുമാരിയിലും പൂവാറിലെ റിസോര്ട്ടുകളില് എത്തിച്ചേരാന് വേണ്ടി ഈ റോഡ് ആണ് തെരഞ്ഞെടുക്കുന്നത്. ഇങ്ങനെ വരുന്ന വാഹങ്ങള് ആണ് ഈ വളവിലെ ദുരന്തം ഏറെ ഏറ്റുവാങ്ങുന്നത്. നിരവധി അപകടങ്ങള് ആണ് ഇവിടെ നടക്കുന്നത്. ഇവിടെ അപകടം നടക്കാത്ത ദിവസം ഇല്ല എന്നാണ് സമീപത്തുള്ള സ്ഥാപന ഉടമകള് പറയുന്നത്. കാരണം വലുപ്പമുള്ള ഒരു വാഹനം ഏതുവഴി വരുകയാണെങ്കില് അത് കടന്നുപോകാന് തന്നെ ഒരുപാട് സമയം വേണ്ടിവരുന്നു. ഇത് ട്രാഫിക് ബ്ലോക്ക് ഉണ്ടാകുകയും ഇത് അപകടം സൃഷ്ഠിക്കുന്നത് പതിവുകാഴ്ചയാണ്. വളവിലെ സ്വകാര്യ വ്യക്തികളുടെ കയ്യേറ്റമാണ് ഇതിന് കാരണം. വളവിനു തലങ്ങും വിലങ്ങുമായി ചെറുറോഡുകളുമുണ്ട് ഇവിടെ കൂടിയുള്ള ഫ്രീക്കന്മാരുടെ ബൈക്കുകളിലെ അമിതവേഗത്തിലെ സഞ്ചാരവും അപകടങ്ങള്ക്ക് കാരണമാകുന്നു. വളവിനു മുമ്പിലായി ഒരു സൂചന ബോര്ഡ് സ്ഥാപിക്കാന് പോലും അധികൃതര് തയ്യാറാകുന്നില്ല. അപകടങ്ങള് തുടര്ക്കഥകളായിട്ടും അപകടങ്ങള് ഒഴിവാക്കാന് വേണ്ട നടപടികള് യതൊന്നും അധികൃതര് നടപ്പിലാക്കാത്തതില് നാട്ടുകാര് പ്രതിഷേധത്തിലാണ്.
