ആലപ്പുഴ സപ്ലൈ ഓഫീസിലേക്ക് യുവമോര്ച്ച നടത്തിയ മാര്ച്ച് ബിജെപി ജില്ലാ പ്രസിഡന്റ് കെ. സോമന് ഉദ്ഘാടനം ചെയ്യുന്നു
ആലപ്പുഴ/കുട്ടനാട്/ചേര്ത്തല: ക്ഷീരകര്ഷകരെ മറയാക്കി മലയാളികളുടെ ചായപ്പാത്രത്തില് മണ്ണുവാരിയിട്ട ഭരണമാണ് എല്ഡിഎഫ് സര്ക്കാര് ചെയ്യുന്നതെന്ന് ബിജെപി ജില്ലാ പ്രസിഡന്റ് കെ. സോമന്. യുവമോര്ച്ചയുടെ നേതൃത്വത്തില് നടത്തിയ അമ്പലപ്പുഴ താലൂക്ക് സപ്ലൈ ഓഫീസ് മാര്ച്ച് ഉദ്ഘാടനം ചെയ്യുകയായിരുന്നു അദ്ദേഹം. പാല്വില കൂട്ടുകയും എന്നാല് കര്ഷകര്ക്ക് ന്യായവില നല്കാതെ ചൂഷണം ചെയ്യുകയുമാണ്. വറചട്ടിയില് നിന്ന് എരിതീയിലേക്ക് വീണ അവസ്ഥയില് കര്ഷകര് നെട്ടോട്ടമോടുന്നു. കേന്ദ്രം നല്കിയ അരി എഫ്സിഐ ഗോഡൗണില് കെട്ടിക്കിടക്കുമ്പോള് റേഷന് കടകളില് എത്തിക്കേണ്ട ഭക്ഷ്യവകുപ്പ് അത് ചെയ്യാതെ ഉറക്കം തൂങ്ങുകയാണെന്നും ഉണരുമ്പോള് കേന്ദ്രസര്ക്കാരിനെ കുറ്റംപറഞ്ഞുകൊണ്ടിരിക്കുകയാണെന്നും അദ്ദേഹം വിമര്ശിച്ചു. യുവമോര്ച്ച ജില്ലാ ജനറല് സെക്രട്ടറി അജി ആര്. നായര് അദ്ധ്യക്ഷത വഹിച്ചു. ബിജെപി ജില്ലാ സെക്രട്ടറി എല്.പി. ജയചന്ദ്രന്, യുവമോര്ച്ച ജില്ലാ ഭാരവാഹികളായ ഉമേഷ് സേനാനി, ആരോമല്, രണ്ജിത്, സുനീഷ്, വരുണ്, ജി. വിനോദ്കുമാര്, ആര്. കണ്ണന് എന്നിവര് സംസാരിച്ചു.
കേന്ദ്രം നല്കിയ അരി തരൂ എന്നാവശ്യപ്പെട്ട് യുവമോര്ച്ച കുട്ടനാട് നിയോജക മണ്ഡലം കമ്മിറ്റ യുടെ നേതൃത്വത്തില് കുട്ടനാട് താലൂക്ക് സപ്ലൈ ഓഫീസിലേക്ക് മാര്ച്ച് നടത്തി. യുവമോര്ച്ച കുട്ടനാട് നിയോജക മണ്ഡലം പ്രസിഡന്റ് അനീഷ് മോഹന് അദ്ധ്യക്ഷത വഹിച്ചു. യുവമോര്ച്ച സംസ്ഥാന സേവാ സെല് കണ്വീനര് അഡ്വ. സുദീപ് വി. നായര് ഉദ്ഘാടനം ചെയ്തു. കേരളത്തിലെ പൊതുവിതരണ സമ്പ്രദായം തകര്ക്കാനുള്ള ശ്രമമാണ് സര്ക്കാര് നടത്തുന്നതെന്നും രാഷ്ട്രീയ വിരോധത്തിന്റെ പേരില് കേരളത്തിലെ ജനങ്ങളെ ദ്രോഹിക്കുന്ന സര്ക്കാര് നയം മാറ്റണമെന്നും കേന്ദ്രത്തില് നിന്നും അധികമായി ലഭിച്ച പതിനാലു മെട്രിക് ടണ് അരി എവിടെപ്പോയെന്ന് സര്ക്കാര് വ്യക്തമാക്കണമെന്നും അദ്ദേഹം ആവിശ്യപ്പെട്ടു. ബിജെപി ജില്ലാ സെക്രട്ടറി പി.കെ. വാസുദേവന് മുഖ്യപ്രഭാഷണം നടത്തി. ബിജെപി മണ്ഡലം പ്രസിഡന്റ് ഡി. പ്രസന്ന കുമാര്, ബിജെപി സംസ്ഥാന കമ്മിറ്റയംഗം ടി.കെ. അരവിന്ദാക്ഷന്, ഷാജി സ്വാമി, പ്രശാന്ത് കുമാര് പര്യാത്ത്, തങ്കരാജ്, വൈശാഖ്, പീയുഷ്, മിഥുന്, ബേബി പ്രസാദ്, കണ്ണന്, ശ്യാംജിത്ത്, എ.എന്. ഹരിദാസ്, ആര്. രമേശ് വേണുഗോപാല്, കെ.ആര്. മോഹന്ദാസ്, സുകുമാരന് നായര് തുടങ്ങിയവര് സംസാരിച്ചു.
റേഷന് വിതരണത്തിലെ പ്രതിസന്ധി പരിഹരിക്കണമെന്ന് ആവശ്യപ്പെട്ട് യുവമോര്ച്ച അരൂര്, ചേര്ത്തല നിയോജകമണ്ഡലങ്ങളുടെ ആഭിമുഖ്യത്തില് സപ്ലൈ ഓഫീസിലേക്ക് മാര്ച്ച് നടത്തി. ബിജെപി ദക്ഷിണ മേഖലാ പ്രസിഡന്റ് വെള്ളിയാകുളം പരമേശ്വരന് ഉദ്ഘാടനം ചെയ്തു. കേന്ദ്ര സര്ക്കാര് നല്കിയ ഭക്ഷ്യധാന്യങ്ങള് റേഷന് കടകളില് വിതരണം ചെയ്യാതെ ഇടതു സര്ക്കാര് രാഷ്ട്രീയ മുതലെടുപ്പ് നടത്തുകയാണെന്ന് അദ്ദേഹം പറഞ്ഞു. യുവമോര്ച്ച സംസ്ഥാന സമിതിയംഗം ശ്രീരാജ് ശ്രീവിലാസം മുഖ്യപ്രഭാഷണം നടത്തി. ചേര്ത്തല മണ്ഡലം പ്രസിഡന്റ് അരുണ് പട്ടണക്കാട് അദ്ധ്യക്ഷനായി. അരൂര് മണ്ഡലം പ്രസിഡന്റ് വിമല് രവീന്ദ്രന്, ജില്ലാ ട്രഷറര് സി. ഡി. ബിനുദാസ് ബിജെപി സംസ്ഥാന സമിതി അംഗം അഡ്വ. പി.കെ. ബിനോയ്, ജില്ലാ വൈസ് പ്രസിഡന്റ് കൊട്ടാരം ഉണ്ണികൃഷ്ണന്, ജില്ലാ സെക്രട്ടറിമാരായ ടി. സജീവ് ലാല്, സുമി ഷിബു, മണ്ഡലം പ്രസിഡന്റുമാരായ സാനു സുധീന്ദ്രന്, പെരുമ്പളം ജയകുമാര്, ജനറല് സെക്രെട്ടറിമാരായ അരുണ്. കെ. പണിക്കര്, എം. എസ.് ഗോപാലകൃഷ്ണന്, ബി. നിമേഷ്, ലാല് കൃഷ്ണ, അരുണ് കൂറ്റുവേലി, എം. ടി. മഹില്, എ. എന്. നിര്മല് എന്നിവര് പ്രസംഗിച്ചു.
