കണ്ണൂര്: മൂന്ന് നില കെട്ടിടമുളള ജില്ലാ ലൈബ്രറിയില് വാനക്കാര്ക്കിടം ദേശീയപാതയോട് ചേര്ന്ന മുറ്റത്തെ പ്ലാസ്റ്റിക്ക് ഷീറ്റിട്ട പന്തലില്. ലൈബ്രറിയെ ആശ്രയിക്കുന്നവര്ക്കിടയില് പ്രതിഷേധമുയരുന്നു. കാല്ടെക്സിനും തെക്കിബസാറിനുമിടയില് കോഫി ഹൗസിനോട് ചേര്ന്നുളള കെട്ടിടത്തില് പ്രവര്ത്തിക്കുന്ന ജില്ലാ ലൈബ്രറിയില് പത്രപാരായണത്തിനും ആനുകാലിക പ്രസിദ്ധീകരണങ്ങളുടെ വായനയ്ക്കുമെത്തുന്ന വായനക്കാരാണ് അസൗകര്യം കാരണം ഏകാഗ്രതയോടെ വായന നടത്താനാവാതെ ദുരിതത്തിലായിരിക്കുന്നത്. മാസങ്ങള്ക്ക് മുമ്പ് വരെ ജില്ലാ ലൈബ്രറിയുടെ താഴത്തെ നിലയിലെ വരാന്തയടക്കമുളള മുറികളിലായിരുന്നു വായനക്കാര്ക്ക് സൗകര്യമേര്പ്പെടുത്തിയത്. എന്നാല് കഴിഞ്ഞ ഏതാനും മാസങ്ങളായി മുറ്റത്ത് പ്ലാസ്റ്റിക് ഷീറ്റുകൊണ്ട് പന്തലിട്ട് വായനാക്കാര്ക്കുളള സ്ഥലം മാറ്റുകയായിരുന്നു. മൂന്ന് നിലയുളള കെട്ടിടത്തില് രണ്ടാം നിലയില് ഓഫീസും മൂന്നാം നിലയില് പൊതുപരിപാടികള്ക്ക് വിട്ടുകൊടുക്കുന്ന ഹാളുമാണ് ഉളളത്. ഔദ്യോഗികാവശ്യങ്ങള്ക്കായി ഒരു നില മുഴുവന് മാറ്റിവെച്ചിട്ടും താഴത്തെ നില എന്തുകൊണ്ട് വായനക്കാര്ക്ക് നല്കിക്കൂടാ എന്ന ചോദ്യം ഉയര്ന്നിരിക്കുകയാണ്.
ദേശീയപാതയോട് ചേര്ന്നുളള മുറ്റത്ത് സ്ഥിതിചെയ്യുന്ന പന്തലിലിരുന്ന് വായിക്കുന്നവര്ക്ക് വാഹനങ്ങളുടെ ശബ്ദവും ട്രാഫിക് സിഗ്നലിനോട് ചേര്ന്നായതിനാല് നിര്ത്തിയിടുന്ന വാഹനങ്ങളില് നിന്നും മുഴുവന് സമയവും വമിക്കുന്ന പുകയും ദുരിതമായിരിക്കുകയാണ്. റോഡരികിലായതിനാല് തന്നെ പലപ്പോഴും രാവിലേയും വൈകുന്നേരവും അന്യസംസ്ഥാന തൊഴിലാളികളുടെ കേന്ദ്രമായ ഇവിടം ഇത്തരക്കാര് വിശ്രമകേന്ദ്രമാക്കുകയും പലപ്പോഴും മദ്യപിച്ചും മറ്റും എത്തുന്നവരും സാമൂഹ്യദ്രോഹികളും വായനക്കാരുടെ പന്തലും ഇരിപ്പിടങ്ങളും കയ്യടക്കുകയും ചെയ്യുന്ന സ്ഥിതിയും ഉണ്ട്. എത്രയുംപെട്ടെന്ന് വായനാക്കാര്ക്കുളള സ്ഥലം കെട്ടിടത്തിനകത്തേക്ക് തന്നെ മാറ്റി ദുരിതത്തിന് പരിഹാരം കാണണമെന്നാണ് വായനക്കാരുടെ ആവശ്യം.
